DILI- Liga futebol Timo-Leste (LFTL) sei realiza liga Timorense divizaun dahuluk no daruak iha fulan entre Marsu no Abril epoka ne’e ho sistema full kompetisaun.
Tuir planu LFTL sei halo liga divizaun dahuluk no daruak iha epoka 2022 ho full kompetisaun hodi fo tempu ba jogadór sira pratika jogu barak liu, atu nune’e bele preparadu no iha esperiensia natoon molok selesiona ba ekipa nasionál.
“liga regular tenki la’o kada tinan-tinan, iha liga tinan ne’e divizaun dahuluk sei la’o ho klube sanulu no divizaun daruak iha klube sia ne’ebe sei halo full kompetisaun hotu hodi fo oportunidade ba jogadór sira pratika jogu barak liu atu nune’e iha selesaun nasional jogadór sira preparadu diak liu” Prezidente LFTL Nilton Gusmão ba jornalista sira iha JL vila, fatuhada, Dili sesta (21/01).
Liga Timorense seidauk iha data fiksu, tanbá orariu ne’e sei kria labele soke orariu jogu internasionál, maibé parte LFTL iha ona data tentiva ba realizasaun.
“Data fiksu ba liga epoka ne’e seidauk iha maibe ami iha planu tentativa sei hala’o liga iha fulan entre Marsu no Abril maibe seidauk iha orariu tanba sei hein hela kalendariu jogu internasional” nia hatutan.
Diferenete ho tinan id aba kotuk, iha ne’ebé Timor – leste iha hela estadu emerjensia hodi obriga atividade Liga Timorense konsentradu iha Díli, maka iha epoka ida ne’e sei lori atividade liga Timorense ba Munisipiu, hanesan tinan hira ba kotuk.
“ita hanoin jogu tenki ba munisipiu tanba epoka hirak ba kotuk ita halo hanesan ne’e, entaun epoka ida mai tenki halo hanesan ne’e tanba agora insfrastutura estrada Dili ba Baucau, Ermera no Bobonaru diak los kompara ho uluk agora ita halo fasil tebtebes ema atu ba asiste joga iha baucau, iha Gleno no Maliana no partisipasaun adeptu ita sei foku liu para ita bele halo liga dinamiku liu tan”. Nia hateten.
Iha sorin seluk, atividade liga Timorense sei lao monoton liu sei laiha adeptus ne’ebé sempre leal ba apoiu ida-idak nia klubu. Ho nune’e mak parte LFTL sei foku ba halo atividade komplementáriu sira atu bele lori sentiment paixaun futeból ba adeptu sira.
“Agora atu haree oinsa mak haburas liu tan paisaun futebol ba adeptu sira tan ba ne’e mak ita nia foku iha atividade komplementare sira atu apoia atividade futebol” kandidatu Prezidente FFTL ne’e hateten.
Klube sira ne’ebe sei partisipa divizaun dahuluk liga epoka tuir mai mak hanesan Karketu Dili FC, Lalenok United FC, AS Ponta Leste, AD SLB Laulara, Assalam FC, Aintana FC Emmanuel FC, Academica FC, Atletico Ultramar FC no Porto Taibesi FC no divizaun daruak maka DIT FC, Kablaki FC, Zebra FC, Santa Cruz FC, FIEL FC, Lica-Lica Lemorai FC, Nagarjo FC, AS Marca FC no Boavista Clube de Timor.
ADS
