DILI- Klubu AD SLB Laulara Buka kontratu jogadór estranjeiru ba Liga Timorense epoka 2022 hodi reforsa klube, ho hakarak sai ekipa forte hodi hadiak prestasaun iha divizaun dahuluk, liga futebol Timor-Leste.
Liga Timorense epoka 2021 termina ona, iha ne’ebé karketu Díli Fc mak sai kampeaun, enkuantu AD SLB Laura okupau pozisaun 4 husi jogu 6. Ho perfonmansia klube iha tinan kotuk, maka ezekutivu tenta atu buka jogadór estranjeiru, ho hanoin atu hadia klubu nia prestasaun.
“ami iha ona hanoin atu rekruta jogadór estrajeiru nain rua maibe sei identifika mai husi nasaun ne’ebe?, ami sei haree husi tipu joga ne’ebe ami iha no ami prefere liu ba iha nasaun ho tipu samba no tango, hanesan Brazil ka Argentina”. Sekretariu jeral AD SLB Laulara Domingos Caeiro ba Jornalista iha JL Vila, Fatuhada, Dili sesta (21/01).
Prestasaun jogadór AD SLB, enjerál diak no sufisiente, maske nune’e presija teb-tebes jogadór iha lina médiu no avansadu ne’ebé iha skill individual diak hodi sobu liña defeza adversariu nian.
“iha ambisaun boot buka tan jogadór diak rua ka tolu atu reforsa iha lina mediu ho avansadu, agora iha avansadu diak maibe ho kondisaun ida agora presija nafatin jogadór avansadu foun ida ne’ebe sobu adversariu nia lina defeza”, Nia hateten.
Antes ne’e AD SLB nia jogadór balun muda ona hodi ba refrosa klubu Boavista Clube de Timor, ne’ebé tuir Sekretáriu Jerál katak parte rua iha ona akordu verbal atu jogadór hirak ne’e fila hodi reforsu klubu.
“ami nia Jogadór sira antes muda ba Boavista Clube de Timor, ami iha ona akordu ho sira sei fila fali mai ho ami, ami seidauk selebra kontratu ho sira maibe iha akordu verbal ona ami fiar katak sira sei mantein nafatin ho ami”, nia hatuten.
Enkuantu AD SLB komesa prepara daudaun jogadór, estratéjia nomós kombinasaun jogadór junior no senior hodi pronto iha kualker tempu.
ADS
