Dili – Federasaun Boxing Amadora Timor Leste (FBATL) dadaun ne’e hala’o ona perparasaun ba atleta sira hamutuk na’in 15 hodi halo selesaun ba atleta na’in liama (5) hodi reprezenta Timor-Leste iha jogus Sea Games Hanoi Vietnam Timor Leste ne’ebé mak sei akontese iha fulan Maiu tinan ne’e.
“Ami nia Federasaun Boxing hahú perpara ona iha Benifica lor-loron sira halo perpasaun dader loraik hahú ona Treinamentu” dehan prezidente (FBATL) Abrao Filipe Dias Quintas bá jornalista sira iha edifisiu CDTL kaikoli Dili segunda (24/01).
Abrao informa, sira hili atleta hamutuk na’in 15 maibé hili atleta na’in 5 ida ne’ebé mak di’ak liu hodi reprezenta Timor-Leste iha jogu Sea Games.
“Ami hili porvolta 15 pesoas mais atu ba ne’e ema na’in 5 mak atu reprezenta maibé ami sei hili ida ne’ebé di’ak liu hodi reprezenta Timor-Leste iha Vietnam“.
Atleta hirak ne’e Federsaun Boxing hili liu husi kompetisaun Nasionál iha fulan Novembru tinan 2021, no agora sira treinu hamutuk iha Benifica.
“Ami sempre iha esperansa katak ita bele hetan, se ita la hetan ba halo saida?” dehan nia.
Abrao hatete, Lakon manán ne’e normal Maibé tenke hatudu jogu ho profisinalismu iha jogu ne’e.
Husi Federsaun Boxing fiksu ona katak na’in 5 mak atu reprezenta Timor-Leste maibé seidauk halo selesaun Final ba atleta sira ne’ebé mak atu ba jogu Sea Games.
Kona ba atleta sira ne’e atu joga klase hira ne’e prezidente Federsaun Boxing lakohi fó atu fo sai uluk.
“Ami hatene ona katak sé mak atu ba mais ami labele fó sai tanab orasida la motiva atleta seluk atu hala’o treinu tanba ami nia planu tarjetu ne’e atu to’o iha Asean Games iha fulan Novembru” tenik nia.
CharllY Junior
