Dili – Federasaun Natasaun Timor Leste (FNTL) dadaun ne’e prepara ona atleta na’in tolu (3) kompostu husi mane na’in rua (2) no feto na’in (1) atu reprezenta Timor-Leste hodi partisipa iha jogu Sea Games ba dala 31 ne’ebé mak sei hala’o iha Vietnam fulan Maiu tinan ne’e.
Lia hirak ne’e hato’o husi Presidente Federasaun Natasaun Timor Leste (FNTL) Laurentinho de Jesus ba jornalista sira iha edifisiu CDTL kaikoli Dili segunda (25/01).
“Federasaun natasaun ita perpara ona atleta na’in 3 feto ida no mane nian rua ita nia fatin partisipasaun hanesan durante ne’e la iha fatin, tanba atleta hotu hotu eskola iha Dili ne’ebé ita sei konsentra perparasaun iha Dili” tenik nia.
Nia afirma, Sira sei tenta para ko’alia ho hotel sira iha Dili laran, tanba natasaun persija duni perparasaun ne’ebé mak di’ak molok partisipa iha Sea Games, maibé dezafiu ba atleta sira atu halo perpasaun ne’e mak tenke selu pisina kada atleta hotu tenke selu ne’e mak difikuldade boot ba natasaun.
“Ami tenta atu ko’alia ho hotel sira para bele fasilita atleta sira, maibé durante ne’e atleta sira hala’o perparasaun ne’e tenke selu ” dehan nia.
Atleta na’in tolu ne’ebé mak iha tanba ita bazeia ba kompetisaun ne’ebé mak iha Baucau ita nia atleta na’in haat (4), mane tolu (3) no feto ida (1) maibé, tanab atleta ida ita labele lori ne’ebé lori de’it atleta na’in tolu (3) tanab bazeia ba orsamentu ne’ebé mak ita nia governu preve.
Atleta na’in tolu (3) ne’e mak José Joao Viegas da Silva, Imelda Felisita Ximenes Belo, no atleta mane Junior ida mak naran Jolavio.
Atleta na’in tolu (3) ne’e hotu-hotu partisipa ona iha kampeonatu mundiál, na’in rua (2) partisipa ona iha jogus olimpiku, no nian ida (1) partisipa ona iha kampeonatu mundiál.
Nia explika “entre atleta sira ne’e, ita nia pedidu aprova ona ita sei haruka ita nia atleta ba perpara iha Austrália, entermus partisipa iha jogu Sea Games iha Vietnam no mós hola parte iha perpara ba jogus olimpiku 2024“. Katak nia.
Enteretantu atleta Federasaun Natasaun Timor-Leste sei kompete ho nasaun sira seluk iha Ázia iha jogu Sea Games Hanoi Vietnam iha loron 12 to’o 23 fulan Maiu iha tinan ne’e.
CharllY Junior
