Dili – Klubu Femenino AD SLB susesu sai Kampeaun ba Super Tasa Feminino, hafoin manán nia ekipa adversariu S’amuser Fc liu husi drama Penalidade ho score 5-3, antes ne’e ekipa rua empata ho score 0-0 iha tempu normal.
Duelo entre ekipa rua ne’e hala’o iha stadion Munisipal Dili sabadu (29/01), iha inisiu jogu Primeira parte ekipa ekipa superior rua ne’e hotu hotu hatudu ritmu jogu jogu ne’ebé furak iha kampu hodi halo atmosfera iha kampu sai manas liu desde inisiu.
Ho núne’e tama ba iha minutu 6 AD SLB konsge lansa suta ameasa da-huluk, hafoin área defensivu S’amuser komete erru ho núne’e arbitu deside hodi fó suta livre ba AD SLB, no jogador Godelvia Martins ne’ebé mak sai ezekutor ba suta livre ne’e konsege kona tarjetu maibé la rezulta golu.
No tama ba iha minutu 20 S’amuser Fc, konsege hetan oportunidade osamean, hafoin guarda rede husi AD. S.L.B, komete erru hasoru Letisi do Rego, ho núne’e arbitu deside fó Penalti ba S’Amuser, no Dolores Silva Costa, ne’ebé mak sai ezekutor ba Penalidade refere faila hala’o nia serbisu suta Penalti refere, tanba sei bele antisipa husi guarda rede ho núne’e la rezulta golu.
Tama ba iha minutu 35 S’amuser Fc konsege lansa suta ameasa dala ida tan liu husi jogador Dolores Silva Costa, maibé nafatin la rezulta golu tanba, bola ne’ebé nia suta sei kona iha besi riin núne’e la rezulta golu.
Maske ekipa rua ne’e mantein la kontra atake ba malu maibé la konsege produs golu to’o termina jogu primeira parte score mantein okulista 0-0.
Kontinua ba jogu segunda parte ekipa rua ne’e mantein lansa kontra no ataka ba malu maibé ekipa AD SLB ne’ebé mak hatudu ritmu joga iha segunda parte konsge domina bola hodi lansa ataka fila faila maibé guarda defensivu husi S’Amuser Fc mantein la fó oportunidade ba ekipa AD SLB hodi marka golu to’o remata score mantein 0-0
Ho rezultadu empata ne’e ekipa rua tenke kontinua hakat ba suta Penalidade no iha panlidade refere AD SLB susesu halakon nia ekipa adversariu S’amuser Fc ho score 5-3
Ho rezultadu vitória 5-3 mak AD SLB sai Kampeaun ba Super Tasa Femenino 2021 no iha direitu atu hetan premiu osan ho montante 2.500 dólar Amerikanu
CharllY Junior
