Dili – Klubu promovidu Academica Fc sei rekruta jogador foun hamutuk na’in 6 molok atu kompete iha Liga Futebool Timor-Leste (LFTL), Primeira Divizaun epoka 2022.
Academica Fc rasik degrada ba segunda divizaun iha tinan 2019 hafoin rekolla de’it pontus 10 no okupa iha pozisaun da 7 Academica Fc foin promovidu hikas ba segundu divizaun iha tinan 2021, hafoin sai ruuner-up ba Segundu Divizaun Liga Futebool Timorense (LFTL) segundu divizaun.
Tuir orariu ne’ebe mak fó sai husi orgaun Liga Futebool Timor-Leste (LFTL) katak Liga Futebool Timor-Leste sei hahú iha fulan Marsu tinan ne’e.
Tuir Prezidente Klubu Academica Fc Gil Conceicao, Iha tinan 2019 liu ba Academica Fc hetan sorti ladún di’ak ho núne’e degrada ba segundu divizaun maibé iha tinan ida ne’e Academica ho esforsu aan hotu husi estrutura to’o jogador no mós husi adeptus i hakas aan hodi sa’e ba fali primeiru divizaun.
“Jogador agora ne’e 18 ne’ebé ami sei aumenta tan jogador na’in 5 ka na’in 6 hanesan ne’e iha parte guarda rede nian defeza klaran mai oin ne’e sufisiente ona mai ami” dehan prezidente klubu Academica Fc Gil Conceicao ba jornalista sira iha Campus central UNTL Dili (02/02/2022).
Gil informa, Academica Fc komesa hala’o ona perparasaun ba jogador sira ne’ebé aktivu ne’e aktivu nafatin ida ne’ebé mak sira buka atu aumenta ne’e agora sira komesa kontaktu ona agora fiksu hotu ona hein para wainhira orgaun Liga loke janela transferensia entaun sira komesa asina ona kontratu ho jogador sira ne’e.
“Jogador nain 5 ka 6 ne’e ami fihir mate ona maibé la bele temi nia naran no labele temi klubu tanba janela transferensia seidauk loke, maibé sira mós livre ona ami kontaktu ona sira i sira mós Prontu ona i bainhira janela transferensia loke ami asina ona kontratu” tenik nia
Gil Afirma, wainhira kuandu federsaun ho liga komesa hasai ona dehan katak data fiksu para Liga atu hahú enatun sira mós sei perpara atu rekruta jogador.
Konaba atu rekruta jogador estranjeiru Academica Fc seidauk iha hanoin atu rekruta jogador internasionál i sei foku ba jogador lokál de’it, maibé la taka dalan ba jogador ne’ebé mak joga iha ne’e kleur ona konkorda ho sira, Academica prontu para foti jogador refere.
CharllY Junior
