DILI- Atleta José G. Valente ne’ebe manan fiar husi Federasaun Halterofilizmu Timor-Leste (FHTL) hodi partisipa modalidade hit besi, sei hatudu prestasaun hodi hamorin Timor-Leste nian naran iha Sea Games 2022 iha Vietnam.
Atleta refere ne’ebe hahu prepara desde 2019, nune’e bele hetan fiar hodi reprezenta Timor-Leste ba kompete iha Sea Games, iha sidade Ha Noi Vietnam iha Fulan maiu sei hatudu prestasaun hodi hamorin Timor-Leste nia naran liu husi modalidade hit besi.
“Hau nu’udar atleta sei hatudu prestasaun hodi hamorin Timor-Leste nia naran iha Sea Games, tanba hau ba Laos atu partisipa maibe hatudu prestasaun no sai atleta oportunidade mak tenki hetan medalla”, Atleta José G Valente ba Jornalista JHD iha Timor Plaza, Komoro, Dili sabadu (5/02)
Iha Fatin hanesan Treinador Martino F. De Araújo hatete, sira iha atleta hit besi nain ida no body building nain tolu ne’ebe sira halo preparasaun husi 2019 to’o agora no garante sira bele hetan medalla ruma hodi hamorin Timor-Leste nia naran iha Sea Games ne’e.
“ami iha atleta nain haat, hit besi ida no body building nain tolu, ami nia preparasaun halo tinan barak ona, laos foin mak preapara. husi 2019 to’o agora no iha esperansa mak atu lori atleta na kompetisaun iha rai liur tenki hetan netik medalla ruma hodi hamorin Timor-Leste nia naran iha Sea Games no garante sei hetan medalla ruma“.
Federasaun Halterofilizmu Timor-Leste (FHTL) prepara atleta nain haat ho modalidade rua mak hit besi no body building ne’ebe sei partisipa Sea Games iha sidade Ha Noi, Vietnam ne’ebe sei hala’o iha fulan maiu nia laran.
ADS
