DILI- Atleta nasional José Barreto Quintas da Silva husi modalidade boxing hakarak hetan medalla Osan mean iha Sea Games 2022 iha Vietnam tanba nia halo preparasaun diak Liu diferente iha tinan 2019, iha Sea Games Filipina.
Antes ne’e, atleta refere hetan ona medalla Osan metan iha Sea Games tinan 2019 iha Filipina ho preparasaun diak iha tinan Ida ne’e kompara ho Tinan Uluk maka iha Sea Games iha Vietnam, nia tarjetu hakarak Hetan medalla Osan mean Lori Mai Timor-Leste.
“Hau nia tarjetu iha Sea Games tinan Ida ne’e hakarak hetan medalla osan mean tanba ho Vontade as no espiritu forte halo preparasaun diak liu diferente ho tinan hirak liu ba ne’ebe hau hetan medalla Osan metan” Atleta nasional José Barreto Quintas da Silva ba Jornalista JHD iha Timor Plaza, Komoro, Dili sabadu (5/02).
Nia hatutan, sei halo preparasaun iha fulan tolu nia laran antes ba kompete iha Sea Games 2022 iha Vietnam maibe nia fiar katak sei hatudu Rezultadu Diak.
Iha Sorin seluk Treinador Gil Isac dos Santos hatete, sira halo preparasaun semana tolu ona ne’ebe sira foku liu ba fiziku no tekniku no nia tarjetu ba nia atleta mak tenki fight para manan.
“Ami halo ona preparasaun semana tolu ona ne’ebe Ami foku liu ba fiziku no tekniku no hau nia tarjetu ba hau nia atleta sira mak tenki fight para manan” Nia hateten
Treinador informa, federasaun Boxe Amadora Timor-Leste (FBATL) prepara Atleta nain lima ne’ebe sei joga iha klase 48kg, 54kg, 57 kg, 64 kg no 67 kg no tempu fulan tolu ba sira halo preparasaun nu’udar treinador sufisiente ka la sufisiente fila fali ba treinador ida-idak oinsa para bele lori atleta potensial iha treinamentu.
ADS
