DILI- Prezidente Federasaun Taekwondo Timor-Leste (FTTL) garante atleta Taekwondo sei hetan medalla osan mean iha Sea Games 2022, iha Vietnam.
Timor Leste sei lori ni-nia armada ba partisipa Sea Games 2022, liuhosi Federasaun 7. Kada Federasaun iha esperasansa prestasaun iha eventu internasional ne’e, inklui Federasaun Taekwondo Timor Leste ne’ebe tau tarjetu atu lori fila medalla, liu-liu osan mean Mai Timor Leste.
“Ami husi modalidade Taekwondo, Ami iha esperansa katak atleta sira ne’ebe partisipa eventu Sea Games iha Vietnam iha fulan Maiu tinan sei hetan medalla liuliu, osan mean tanba ne’e federasaun nia tarjetu mak ne’e” Prezidente FTTL Gabriel da Costa ba jornalista sira iha edifisu CDTL, Colmera Dili, segunda (7/02).
Atu konkretiza esperasan Federasaun nian maka daudaun ne’e atleta Sira halo Hela preparasaun, treinu nafatin iha sentru treinamentu tibar. Hafoin molok Fulan Ida desloka maka atleta Sira sei konsentra iha Fatin ida nu’udar asrama.
“Daudauk ne’e ami nia atleta sira sei hela iha ida-idak nia uma, treinu mak sira ba iha Sentru treinamentu Taekwondo Tibar iha dader no loraik no iha fulan ikus atleta sira atu desloka ba Vietnam Mak CDTL organiza sira, konsentra iha fatin ida hanesan asrama” Nia hateten
Iha sorin seluk, Federasaun mos kontinua kontinua kontrola atleta Sira Nia hahan atu nune’e nafatin iha Saude Diak no mantein todan hodi bele partisipa iha sea games.
“Labele han hahan arbiru tanba atleta ne’ebe kategoria liu ona selesaun tenki mantein nia klase no todan karik iha mudansa nia la kontrola hahan pasiensia ami labele lori nia tuir kompetisaun ne’e no ami iha maneira ba sira labele han proteina barak liu, deskansa importante no labele konsumu arbiru tanba ne’e kauza ba sira nia saúde ba anti doping nian”. Nia hateten
Nia Informa, fatin hanesan asrama ba atleta sira difisil tebes kompara ho nasaun sira seluk sira halo preparasaun hela iha asrama ho tempu naruk maibe kondisaun nasaun nian mak hatudu realidade hanesan ne’e maski kada tinan federasaun sira inklui Taekwondo governu liu husi SEJD sempre aloka orsamentu mai federesaun sira no hein iha tempu badak parte CDTL no SEJD hetan fatin ida hodi nune’e Atleta sira hamutuk iha fatin ida hanesan asrama para bele kontrola sira hanesan tinan hirak liu ba iha Fatin Polisia Miliatar no Academia Polisia antes sira desloka ba Sea Games iha Vietnam iha fulan maiu tinan ida ne’e.
Iha tinan Ida ne’e, federasaun Taekwondo sei lori atleta hamutuk nain 9, treinador no ofisial nain rua ne’ebe hamutuk nain-11 partisipa Sea Games iha Vietnam iha fulan Maiu tinan ida ne’e.
ADS
