DILI- Confederação Desporto Timor-Leste (CDTL) sigla portuges involve doutór hodi haree no halo teste ba atleta sira-nia saúde, dezenvolvimentu fiziku no peso durante preparasaun hodi partisipa Sea Games 2022 iha Vietnam.
CDTL ho Federasaun sira hahú prepara atleta nasionál atu bele partisipa ho masimu iha sea games 2022, nune’e CDTL Lori doutór halo teste Kondisaun real ba atleta boxing sira ne’ebe sei partisipa Sea Games atu, nune’e prepara diak atleta sira nia Kondisaun.
“Ami mai lori doutór hahu uluk halo teste ba atleta sira nia kondisaun real to’o iha ne’ebe atu nune’e ita hare’e semana ba semana atleta sira nia Kondisaun iha mudansa Ka oinsa no doutór sira mos hare’e saida mak akontese iha atleta sira nia isin no todan, tanba Ita sei diskute Kona ba hahan atleta sira konsumu durante sira halo preparasaun” Prezidente CDTL Macário F. Sanches ba Jornalista sira iha sentru treinamentu Boxing Benfica, Colmera, Dili tersa (8/02)
Alende Lori doutór prezidente afirma sira vizita federasaun boxe hanesan prosesu ida para atu hare’e besik preparasaun atleta sira ba Sea Games
“ami vizita Federasaun Boxe hanesan prosesu ida para ami atu hare’e besik preparasaun atleta sira ba Sea Games” Nia dehan
Macario hatutan, Atleta sira tenki banati tuir atleta senior ne’ebe hamorin nasaun Timor-Lestr iha tempu okupasaun Indonesia hanesan Abrão F. Dias Quintas no Vítor Ramos sai hanesan motivasaun ida ba atleta sira prepara sira nia prestasaun ho kualidade hodi tanba atleta boxing iha esperansa boot para sira bele hetan medalla ruma iha Sea Games Vietnam.
Iha fatin hanesan Treinador boxing Gil Isac dos Santos Hatete, nu’udar treinador orgullu tebes, pasu ida para bele fight ba oin liu tan no vizita CDTL ho mediku loke liman nakloke ba sira halo teste saida deit ba atleta Sira.
“Hau hanesan treinador orgullu tebes, pasu ida mai ami bele fight ba oin liu tan no vizita CDTL ho mediku hau liman nakloke ba sira halo teste saida ba atleta sira ne’ebe foin treinu semana tolu ne’ebe halo teste ba atleta sira nia saúde no fiziku ida ne’e diak liu ba ami no hau hakarak labele para iha ne’e deit maibe nia kontinusaun iha to’o ami aranka sai husi Timor-Leste, ho ida ne’e hatudu katak ita servisu hamutuk entre federasaun ho CDTL no governo ne’ebe furak tebes”. Treinador hateten
Iha Sorin seluk atleta Délio Mouzinho hatete, sira sente kontente tanba CDTL visita sira no Lori doutór halo teste ba sira hodi konsulta sira nia kondisaun.
“ami sente kontente tanba CDTL vizita ami no lori doutór mai halo Teste Josi konsulta ami nia kondisaun” Délio hateten
ADS
