DILI – Treinador ekipa juvenil sub-14 Crazy Hourse Fc, Diamantino Soares, informa, jogador juvenil sub-14 husi klubu crazy Hourse Fc sei hatudu Jogu di’ak iha jogu futsal juvenil sub-14 tinan ne’e.
Iha Tinan ne’e, AFTL sei organiza Jogu futsal entre ki’ik-oan Sira husi Tinan 13 Mai kraik. nune’e Klubu Crazy Houerse FC liuhosi trinador iha esperasan sei hatudu Jogu Diak durante kompetisaun.
“Hau fiar katak equipa hotu sempre iha esperansa hodi hatudu jogo diak. Ne’e duni Ami ninia equipa mós fiar katak Ami sei hatudu jogo diak” informa Treinador Crazy Hourse Fc Diamantino Soares ba JHD via whatsApp tersa (08/02).
Agora ne’e iha Fase seleksaun, sira akumula labarik kuaze 20-resin hafoin bele tais Molok deside jogador efetivu ba ekipa.
“Ami nafatin fó treino iha sira iha Loron Sabado ho Domingo tamba questão jogador Barak mak eskola iha Loron segunda to’o Sexta” tenik nia
Tamba tuir info ne’ebé ami rona husi komisaun AFTL katak equipa ne’ebé registo hodi tuir Liga Juvenil ne’e foin maka nain 8 nee duni, hare ba tempu ne’ebé sei naruk Ami nafatin observa jogador halo didiak hafoin halo selesaun final.
“Ami espera katak naran selesaun final Ami sei halo iha semana Rua Mai ne’e” dehan nia
Crazy Hourse Fc, Wainhira rona informasaun balun katak husi Associaçao Futsal Timor-Leste (AFTL) atu loke liga futsal Juvenil ba sub-14. Sira hahú preparasaun iha fulan dezembru 2021 até a data.
“Preparasaun ne’ebe Ami halo maka acumula jogador ne’ebé idade husi 13 tun Mai kraik. Ami fó treino basíco futsal nian ba sira hanesan oinsá maka passing Bola ho di’ak, controla bola, halo ataka, no oinsá bele defense ho di’ak” nia hakotu
Enteretantu klubu juvenil ne’ebé mak dadaun ne’e rejistu ona iha AFTL hamutuk 14 kompostu husi klubu ne’ebé mak antes ne’e partisipa iha Pra Liga Futsal hamutuk 12 inklui klubu foun rua.
CharllY Junior
