DILI – Federsaun Shorinji Kempo Timor Leste (FSKTL), tinan ne’e sei realiza kampeonatu nasionál ba kategoria senior no junior maibé sei hein hela orsamentu husi governu liu husi Sekretáriu Estadu Juventude no Desportu (SEJD).
Tuir Sekretáriu jerál Federsaun Shorinji Kempo Timor Leste (FSKTL),Iha tinan ne’e Federsaun Shorinji Kempo Timor Leste sei hala’o atividade ne’ebé mak hanesan baibain la’o no sei realiza kompetisaun nasionál, tanba tuir loloos kada tinan rua ne’e realiza kompetisaun nasionál atu partisipa iha eventu internasional.
“Maibé tanba dadaun ne’e Kempo la partisipa governu fó informasaun bele aloka orsamentu dehan subvensaun públiku nian ba Federsaun ne’ebé mak la partisipa iha Sea Games bele halo kompetisaun nasionál iha rai laran, tanba ne’e mak tinan ne’e sei realiza Kompetisaun Junior no mós senior” Dehan Sekretáriu Jerál Federsaun Shorinji Kempo Timor Leste (FSKTL) Leopoldo dos Santos ba jornalista sira iha Ginaziu Dili tersa (08/02).
Kona-ba atu realiza kampeonatu nasionál ne’e FSKTL sei hein orsamentu husi governu liu husi SEJD nune’e seidauk fiksu bainhira mak atu realiza kompetisaun ne’e
“Ami tinan barak ona maibé rekursu mak limite tanba dala barak ami nia boot sira mós atu ba eza mós to’o tinan 5 to’o tinan 10 mak foin ba dala ida ne’ebé agora dadaun ne’e nivel daan 4 mak sai aas liu iha Timor no iha daan 4 ne’e foin mak na’in 1” tenik nia
Dadaun ne’e Munisipiu sira ne’ebé mak eziste mak Munisipiu Ermera, Lautém, Maliana, Baucau, no Dili, Enkuantu Munisípiu Same mós iha ona karta maibé estrutura nasionál seidauk Ofisializa sira ne’ebá
Federsaun Shorinji Kempo Timor Leste (FSKTL) eziste iha Timor Leste iha tinan 2002 dadaun ne’e sira produs ona atleta hamutuk 100 resin.
CharllY Junior
