DILI – Kinta feira (10/02) prezidente Konfederasaun Desportu Timor Leste (CDTL sigla portugés) Macario Sanches hala’o vizita ba fatin treinamentu Federsaun Karate-do Timor Leste (FEKATIL) iha Delta hodi observa kondisaun fasilidada ba atleta selesaun nasionál no mós haree perparasaun atleta FEKATIL nian ba Sea Games Hanoi Vietnam 2022.
Iha vizita ne’e Konfederasaun Desportu Timor Leste (CDTL) ba ho departamentu médiku husi CDTL. No iha doutor nain 2 mak halo mós konsulta ba atleta selesaun nasionál husi FEKATIL sira nia saúde, molok atleta sira ne’e halo perpasaun treinamentu. No hafoin atleta sira remata treinamentu médiku halo tan teste ba atleta sira nia saúde.
Hafoin prezidente CDTL ho ekipa haree besik ba perparasaun atleta selesaun nasionál Federsaun Karate-do Timor Leste (FEKATIL) nian prezidente CDTL Macario Sanches, informa, sira vizita Federsaun Karate-do hodi haree sira nia perparasaun ba Sea Games nian.
“Ami mai fali vizita tan fali perpasaun Federsaun Karate-do para atu haree perpasaun atleta ba iha Sea Games Vietnam, pontu rua importante iha ne’e, primeiru ha’u hakarak haree loloos kondisaun fasilidada ba atleta sira, tanba fasilidada sufisiente mak atleta sira bele presta kualidade, ida fali ohin ha’u mai para atu haree loloos atleta sira nia kondisaun loloos ne’e oinsá, mais ha’u orgulu tanba atleta sira mesak esperiénsia iha tia ona, tanba sira partisipa ona Sea Games dala rua iha tempu pasadu” dehan Prezidente CDTL Macario Sanches ba jornalista sira fatin treinamentu FEKATIL Delta.
Nia haktuir, haree ba Kondisaun fizikamente nia orgulu tanba atleta sira mesak altruas kompotetivu duni, tuir nia atleta FEKATIL sira mós bele hatudu buat ruma, ne’e para bele fó prova mai Konfederasaun katak atleta sira perparadu duni iha kondisaun di’ak para atu bele partisipa iha Sea Games Vietnam nian.
“Ida seluk mak ohin ha’u dehan ba sira tempu agora tempu udan nu’udar atleta la bele sai beibeik ba fatin públiku atu nune’e labele hetan moras Covid-19 no moras seluk ne’ebé mak dadaun ne’e mak iha Timor laran tanba ne’e atleta sira tenke kuidadu nafatin, sira nia saúde núne’e alimentasaun ne’ebé mak iha bele kontribui ba sira nia isin lolon no mós hasae sira nia kualidade no mós hasae sira nia forsa atu sira bele iha mental di’ak iha forsa nune’e bele kompete” dehan nia.
Tuir orariu CDTL sei vizita semana por semana dalaruma semana ida dala ida ou semana ida dala rua, vizita Primeiru semana, semana para haree sira nia kondisaun saúde, dadus ne’ebé mak CDTL foti depois kompara fali dadus tuir mai para atu hare.
Nia afirma, Depois vizita tuir fali mai atu enkoraja nafatin sira tanba sira reprezenta hela RDTL entaun sira tenke mai nafatin fó motivasaun espiritu nasionalismu para bele kompete.
“Mesmu fasilidada minimu maibé ho ita nia vizita, ita nia prezente iha sira nia fatin bele mós fó direitamente fó motivasaun ba sira para atu bele perpara di’ak hodi kompete” tenik nia
Tuir nia problema ne’ebé mak CDTL deteta iha fatin treinamentu ne’e mak kondisaun ladún di’ak, hanesan iha Boxe fatin nakloke entaun udan atleta sira labele ba treinu.
“Ida fali mak ami deteta iha vizita ne’e ita seidauk haree loloos, sai Atleta nasionál ne’e mak halo nusa loos tanba sira mai treinu ne’e reprezenta estadu no atleta ne’ebé mak eziste iha Timor Leste ida ne’e mak ami seidauk hetan ne’e mak sei falta” explika nia.
Nia mós husu ba Federsaun tenke fó motivasaun nafatin ba atleta sira tanba sira selesionadu ne’e la’ós de’it tanba hili mais ne’e liu husi selesaun kompetetiva mak mai to’o iha ne’e, entaun sira tenke tau aan hanesan atleta nasionál para ba kompete iha eventu internasional
Iha fatin hanesan, Treinador FEKATIL Emilio Aparicio, Sente orgulu tebes tanba CDTL bele to’o iha sira nia fatin hodi haree ho matan
“ami sente dehan katak ami la mesak mais nu’udar aman to’o mai iha ne’e fó motivasaun ne’e para halo ami kontente hodi treinu ho di’ak ba fiziku tekniku tatiku ho di’ak para ita bele kompete iha rai li’ur” tenik nia
Nia mós Sujere ba CDTL vizita nafatin atleta sira tanba ho vizita ne’e motiva di’ak liu tan atleta sira no fanu sira hodi fó Treinamentu ba atleta ne’e ho masimu nune’e atleta sira bele hetan rezultadu di’ak iha Sea Games
Tuir Treinador atleta sira ne’e hahú ona iha mudansa kompara ho insiu sira treinu tanba ne’e Treinador ne’e mós garante katak to’o iha fulan Maiu atleta sira sei kondisaun ne’ebé mak di’ak hodi kompete
Nune’e mós reprezentante atleta FEKATIL Fidelis Soares, afirma nia parte sente Orgulu tanba prezidente CDTL bele marka prezensa iha sira nia fatin, núne’e husi parte relevante bele haree situasaun real ne’ebé mak atleta sira hasoru ne’e, nune’e sira bele hatene di’ak liu tan.
Antes ne’e Prezidente CDTL Macario Sanches hala’o uluk ona vizita ba perparasaun Federsaun Taikondow Timor Leste (FTTL) no mós Federsaun Boxing Amadora Timor Leste (FBATL).
Enteretantu Federsaun Karate-do Timor Leste ( FEKATIL) rasik sei lori atleta na’in 5 mak reprezenta Timor-Leste iha eventu Sea Games Hanoi Vietnam ne’ebé mak sei hala’o iha loron 12 to’o 23 fulan Maiu.
CharllY Junior
