DILI- hafoin falla iha Sea Games iha pasadu hodi okupadu de’it kuartu Lugar, maka, Atleta nasional Fidelis Soares husi modalidade Karate-Do tarjetu hetan medalla Osan metan iha Sea Games 2022 Vietnam ne’ebe sei realiza iha fulan Maiu tinan Ne’e.
Atleta husi Karate-Do Fidelis Soares tau tarjetu ba osan metan iha Sea Games 2022, iha Vietnam, hafoin sofre esperiensia moruk ne’ebe la konsege hetan medalla refere iha eventu internasional Tinan hirak Liu ba.
“ami nia tarjetu agora mak hetan medalla osan metan tanba uluk ami kompete ona medalla ne’e maibe la hetan no ami fuan boot sei hatudu nafatin prestasaun ne’ebe mak diak iha laran to’o iha rai liur” Atleta nasional Fidelis Soares ba jornalista sira iha fatin treinu Delta 1, Dili kuinta (10/02).
Tuir Fidelis, maski tempu fulan haat maibe sira hanesan atleta ne’ebe hadomi desportu, tanba ne’e sira prontu nafatin ne’ebe sira nia esperansa mak sei hatudu jogu diak no dignu iha eventu internasional, ne’e tanba sira iha esperensia tuir ona Sea Games iha tinan hirak liu ba no sujere hanesan atleta ne’ebe partisipa beibeik lolos hela iha asrama tanba modelu hanesan agora sira bele hetan risku mak hasoru asidente ne’ebe la espera no preparasaun tinan ida ka rua mak sufisiente.
Iha fatin hanesan Treinador Emilio Aparicio hatete, tarjetu hanesan treinador ba atleta sira mak hetan medalla osan metan hadia fali prestasaun iha tinan hirak liu ba ne’ebe seidauk iha oportunidade hodi hetan medalla osan metan.
“Hau nia tarjetu ba atleta sira mak medalla osan metan, tanba tinan hirak liu ba iha Sea Games Timor-Leste okupa pozisaun da-haat ne’ebe seidauk iha oportunidade atu manan ne’ebe agora ami hadia ida ne’e ita labele pozisaun da-haat nafatin ita hakarak muda ba datoluk se diak liu Okupa pozisaun daruak hodi bele hetan medalla osan mutin” Treinador hateten
Emilio hatutan, nu’udar treinador halo observasaun foufoun sira treinu normal maibe agora sira treinu fiziku sa’e kapas inklui tekniku mos iha mudansa nune’e to’o iha fulan Maiu sira sei preparadu diak.
Federasaun Karate-Do Timor-Leste sei lori atleta nain lima, mane haat no feto ida hodi kompete ilha Sea Games iha Vietnam ne’ebe sei realiza iha loron 12 to’o 23 Maiu tinan ne’e.
ADS
