DILI- Federação de Tenis de Timor-Leste (FETTIL) sigla portuges husu ajuda ba governu liu husi Sekretariu Estadu Juventude Desportu (SEJD) tanba federasaun foku kapasita rekursu hodi halo kampionatu nasional maibe iha difikuldade ba orsamentu.
Prezidente FETTIL hatete, tinan ida ne’e sira foku atu kapasita sira nia rekursu hodi halo kampionatu maibe iha difikulade ba orsamentu tan ne’e sira halo planu hodi husu ajuda ba governu liu husi SEJD. husi planu aprezenta ba CDTL hodi lori avansa ba SEJD.
“Tinan ida ne’e ami foku liu mak atu kapasita ami nia rekursu sira hanesan treinador, arbitrajen, ball boy no linesman hodi nune’e ami halo eventu nasional para bele haree atleta sira-nia kualidade iha jogu kada tinan hodi halo komparasaun maibe presiza orsamentu ne’ebe difikulta federasaun tenis ho ida ne’e ami husu ajuda ba governu liu husi SEJD” prezidente FETTIL Aniceto Cardoso Alves ba jornalista JHD iha edifisiu FETTIL Caicoli, Dili sesta (11/02).
Aniceto informa, atleta tenis agora hamutuk atus ida resin no treinador lima durante sira halo atividade federasaun maibe treinador la iha sertifikadu ho esperensia deit tan ne’e tinan ne’e sira hakarak foku kapasita sira nia rekursu
“Atleta tenis husi klube rua agora hamutuk atus ida resin no treinador hamutuk nain lima ho ida ne’e ami nia planu atu kapasita ami nia rekursu sira, tanba sira la iha sertifikadu, ho esperensia deit entaun objetivu atu aumenta sira kunesimentu hanesan arbitrazen tenki hatene atleta sira halo sala iha jogu oinsa foti desizaun no treinador tenki hatene oinsa baku bola hanesan for hand, voli no seluk tan, ho ida ne’e sira hetan treinamentu espefiku kona-ba tenis nian sira bele iha kunesimentu diak liu tan” prezidente dehan
Enkuantu, to’o Agora seidauk eziste Asosiasaun iha Munisipiu. Ida ne’e akontese tan Federasaun enfrenta difikuldade oin-oin durante ne’e.
ADS
