ERMERA – konkluzaun Ida ne’e Prezidente Confederação Desporto Timor-Leste (CDTL) Macario F. Sanches foti, hafoin observa direita preparasaun Atleta husi modalidade Atletismu ne’ebe ba compete ihaSea Games 2022, iha Vietnam.
Iha semana hirak ne’e, ekipa CDTL ne’ebe lidera husi Prezidente Macario F. Sanches halo observasaun direita ba preparasaun Atleta Sira nian husi kada modalidade. Tuir Prezidente, Federasaun Atletismu hatudu preparasaun Ida keh Diak, hahu husi kondisaun, fasilidade no alimentasaun, kompara ho modalidade seluk ne’ebe vizita Uluk ona.
“Ohin ita mai Gleno para haree preparasaun atleta no mos fasilidade ba atleta sira nian husi federasaun atletizmu hatudu momos mai ami, sira nia kondisaun no fasilidade atleta hanesan fatin sira deskansa no alimentasaun ne’e mellor kompara ho modalidade ne’ebe sira ne’ebe vizita tiha ona“, Prezidente CDTL Macario F. Sanches ba Jornalista sira iha sentru treinamentu Atletizmu iha Gleno, Ermera domingu (13/02).
Enkuantu, Sr. Macario mos hatutan ni-nia apresiasaun ba Federasaun Atletismu ne’ebe organiza subsidiu alimentasaun Diak tebes ba Atleta Sira.
“orgullu tanba kada hahan husi dadersan to’o kalan ne’e programadu tiha ona, depois hahan extra mos sira halo tiha ona prosesu, oinsa atleta sira bele konsumu iha dader no kalan nian. ne’e kualidade diak tebes ne’ebe ami sente kontente ba preparasaun mezmu foin hahu, depois iha semana tolu ami mai tan para haree ba progresu atleta sira nia kondisaun” Nia hatutan.
Iha fatin hanesan Prezidente Fedeação Timor de Atletismo (FTA) Afranio Amaral konsidera CDTL ni-nia vizita ne’e prinsipal tebes, hodi haree besik Liu Atleta Sira Nia kondisaun, ho nune’e iha futuru bele foti desizaun ruma bazeia ba preparasaun Atleta Sira nian.
“vizita ne’e principal tebes tanba atu haree besik liu ba kondisaun atleta nune’e ho kondisaun ne’ebe iha ami aprezenta ba CDTL atu hare’e didiak ba oin bele foti desizaun ruma relasaun ho preprasaun atleta husi modalidade Atletizmu ne’ebe sei hola parte iha Sea Games 2022″. Afranio hateten.
Nune’e, mos Afranio hatutan katak preparasaun Lao Diak tebes tanba hetan apoiu orsamental husi Governu ne’ebe CDTL distribui ba kada Federasaun, maka Federasaun Atletismu halo reasaun urjente hodi asegura Atleta Sira Nia kondisaun.
“preparasaun la’o diak tebes tanba depois orsamentu sai CDTL distribui ba federasaun atletizmu ami mos halo reasaun urjente asegura atleta sira nia kondisaun” Nia hatutan
Eis prezidente CDTL ne’e hatutan, governu hakarak atleta hatudu prestasaun laos partisipa iha Sea Games maibe ba federasaun ne’e todan tebes ba federsaun atu atinje maibe hein katak ho kondisaun agora atleta sei kompete ho diak la promete medalla maibe atleta mak federasaun haruka kompete masimu katak tenki hasai buat hotu ne’ebe atleta iha durante iha prosesu treinamentu hodi tetu tasa.
Alende haree preparsaun atleta sira nian CDTL mos lori mediku halo teste ba atleta nain-6, Feto 3 no Mane 3, sira Nia kondisaun, tanba atleta sira tenki iha saude diak hodi kompete masimu iha Sea Games 2022 iha Vietnam para bele hatudu prestasaun diak hamorin Timor-Leste nia naran iha kompetisaun internasional ne’e.
ADS
