Dili-hafoin Klubu Waesel FC sai kampeaun iha eventu lokal ho naran Taca Paroquial iha Ermera, maka Klubu Waesel ho preparasaun ne’ebe iha sei hatudu perfonmansia Diak bainhira partisipa Taca AFTL sub -14, 2022.
Relasiona ho Asosiasaun Futsal Timor Leste (AFTL) ne’ebé mak atu organiza Taça AFTL Futsal Juvenil sub-14 ba klubu 24 ne’ebé mak antes partisipa iha Pra Liga Futsal, tan klubu hamutuk 12 de’it mak hala’o rezistu, maka, AFTL deside hodi loke ba públiku hodi rejistu ho nune’e Klubu foun Waesel Fc rejistu ona no preparadu hodi kompete iha jogu futsal juvenil sub-14 tinan ne’e.
Klubu Waesel Fc hanesan klubu foun ida husi munsipiu Ermera ne’ebé rejistu ona iha Asosiasaun Futsal Timor Leste (AFTL) loron hirak liu ba hodi partisipa iha Jogu Futsal Juvenil sub-14 iha tinan ne’e.
Maske ekipa Waesel Fc hanesan klubu ne’ebé mak foun iha, maibé klubu ne’e mós tuir ona eventu iha Ermera. Iha ne’ebe, konsege sai Kampeaun ka primeiru lugar ba Tasa paroquial Ermera, ho núne’e ekipa ne’e bele konsidera hanesan ekipa zigante ne’ebé mak reprezenta Ermera hodi kompete iha Liga Futsal Juvenil sub-14 refere.
Prezidente Klubu Waesel Fc, Edio Vitorino Exposto, hato’o asuntu ne’e ba JHD via vatcap sabadu (12/02), Nia dehan, nu’udar motivador iha esperansa katak jogador juvenil sub-14 husi Waesel Fc sei hatudu Jogu di’ak tanba hala’o ona perparasaun durante tinan naruk nia laran.
“Nu’udar presidente no motivador iha esperança katak hau nia jogadores sira sei hatudu performancia ne’ebé di’ak maibé buat hotu depende ba situasaun no kondisaun, tempu importante iha ami nia mehi no princípio maka ida primeiru ami nia partisipasaun, segundu maka ami nia jogadores sira mós tenke iha komitmento katak sira mos nu’udar parte ida husi equipa sira seluk” tenik prezidente Waesel Fc Edio Vitorino Exposto.
Nia haktuir, Sira iha ambisaun bo’ot atu participa hodi compete, iha eventu né’e maka determina, kuandu normalmente Kestaun menan lakon laos sai Kestaun iha sira nia principiu maibe hare liu ba resultadu final maka progresu ida ikus liu maka oinsa sira mos bele hetan oportunidade atu kompete ne’e maka sira vizaun.
Edio haktuir, sira halo ona perparasaun durante tinan naruk nia laran desde 2019 to’o agora tanba sira pronto ona atu kompete.
“ita nia preparasaun hahú tinan naruk oituan hahú husi sofrimentu ba Ermera oan sira liuliu sofre hela aktu de negligencia no sira seluk tan tanba ne’e ita sofre hela kevacuman actividade bola durante tinan naruk iha Ermera, hafoin iha 2019 juventude husi bairro sinco ho iniciativa kria eventu futsal ida ho sira nia kondisaun rasik no hetan partisipasaun maxima husi Bairru no klubu rua husi Dili” dehan Edio.
Edio informa, husi atividade ne’ebe sira hala’o rezultado la’o ho susesu hafoin sira partisipa mós iha eventu paroquial Ermera lama no hetan classifikasaun 1 lugar hafoin ida ne’e sira mós la para deit iha eventu sira ne’e maibé mai hamutuk mós ho kolega sira hanoin hodi dezemvolve klubu ida mak klubu Waesel Fc.
“ita selu de’it treinador hodi fó asistensia treinamentu no akumula juventude talentisimu sira hafoin ninia preparasaun durante tinan 2 atu ba 3 no akumula juventude sira” tenik nia
Antes sira iha jogador hamutuk 36 depois sira halo fali selesaun hodi hili nain 16 hodi kumpri regras ne’ebé mak AFTL fó sai.
“Ita prepara mais de 36 jogadores mas sira ne’ebé selesionadu ba kompete tuir kriteriu total 16 no husi jogadores nain 16 ne’e hahú husi idade 11 ba to sira ne’ebé atu kompleta tinan 14 iha fulan marsu ba leten” nia afirma.
Jogador hamutuk 16 sira nia dokumentu dadaun prezidente klubu submete ona ba AFTL hodi kompete iha jogu futsal juvenil sub-14 tinan ne’e.
Enteretantu to’o oras ne’e klubu hamutuk 15 mak rejistu ona iha AFTL hodi partisipa iha jogu Jogu Futsal Juvenil sub-14.
CharllY Junior
