ERMERA- Federação de Criquete de Timor-Leste (FDC-TL) sigla portuguêz realiza kampionatu nasionál Double Wicket Cricket ne’ebé hala’o iha Estadio Cafe Municipal Ermera, ne’ebé partisipa husi asosisaun munisipiu Ermera no Dili.
Kompetisaun nasional Double Wicket Cricket ne’e federasaun halo iha Gleno hodi lori atleta sira husi Dili, mai halo jogu ho klube asosisaun kafe Ermera, maibe partisipasaun tun oituan tanba halo one match atleta balun hetan moras nune’e sira labele tuir kompetisaun.
“Kompetisaun double wicket cricket hanesan kompetisaun nasional maski kompetisaun nasional maibe ami la halo iha Dili, ne’ebe ami hakarak lori ami nia atleta sira husi asosiasaun Dili mai halo jogu ho asosisaun kafe Ermera iha Ermera“prezidente FDC-TL Elisabeth Araujo ba jornalista sira iha kompetisaun Stadium munisipiu Ermera domingu (13/02).
Kampeonatu Nasional ne’e Ladun iha partisipasaun, tanba Atleta balun moras, nune’e tenki halo match.
“partisipasaun husi atleta sira iha loron ohin tun oituan tanba iha ami nia atleta balun ne’ebe hetan tiha moras, ne’ebe ohin halo one match deit tanba atleta sira husi klube ida tenki nain sanulu-resin-ida karik sira la too nain ualu sira labele halo jogu depois jogu cricket ne’e diferente bele han tempu to’o loron rua” tenik prezidente
Prezidente hatutan, hakarak agradese ba SEJD no prezidente autoridade munisipiu Ermera ne’ebe fo ona fatin ida ne’e atu federasaun Cricket utiliza halo kompetisaun ida ne’e.
Iha sorin seluk Prezidente CDTL Macario F. Sanches hatete, hakarak kongratula federasaun Cricket Timor-Leste bele realiza kampionatu nasional iha Gleno no hein katak hahu ohin federsaun bele hamosu tan sanak ida iha munispiu Ermera nian no liu husi kompetisaun ne’e bele hamosu atleta potensial sira para aban bainrua reprezenta Timor-Leste ba kompetisaun regional no internasional, kompetisaun ne’e hanesan sasukat ida para bele haree kualidade atleta sira nian durante sira nia preparsaaun husi treinu ne’ebe ohin sira bele hatudu katak sira iha kualidade para bele hetan prestasaun.
“Hau hakarak kongratula Federasaun Cricket Timor-Leste (FDC-TL) ohin bele realiza kampionatu nasional iha Gleno no hein katak hahu ohin federasaun bele hamosu tan sanak ida iha munispiu Ermera nian no liu husi kompetisaun ne’e bele hamosu atleta potensial sira para aban bainrua reprezenta Timor-Leste ba kompetisaun regional no internasional” tenik nia.
Partisipa iha kompetisaun nasional ne’e mak asosisaun rua, asosiasaun kafe Ermera no Dili ne’ebe lori sira nia atleta mai halo jogu iha kompetisaun ne’ebe hala’o iha stadium municipal Ermera no atleta sira halo jogu feto no mane kahur malu ne’ebe kada ekipa ida iha ema nain-11 mak halo jogu minimu liu nain ualu no kompetisaun ne’e realiza iha loron ida deit ne’ebe sponsor husi Amigo Toos Nain Group, J4, Rêveuse Travel & Tour, Javxim, Jarada Dentist Farmacia (JDF) no Kios Loroma
ADS
