ERMERA-Asosiasaun Kafe Ermera sai kampiaun iha kompetisaun nasional Double Wicket Cricket kontra asosiasaun Dili ne’ebe realiza husi Federaçao de Criquete de Timor-Leste (FDC-TL) sigla portuges iha Stadium Kafe Ermera iha loron domingu (13/02).
Asosiasaun kafe Ermera sai kampeaun, hafoin manan kontra Asosiasaun Dili Iha kampeanatu Nasional Double Wicket Cricket ne’ebe hala’o iha Estadio Munisipal Ermera. Tan ne’e, Atleta manan nain sira sente kontente los tanba sira sai kampiaun no Sira sai kampiaun ba dala rua ona iha 2018 no 2021 ba kompetisaun cricket ne’ebe realiza husi federasaun.
“Ami, asosiasaun Kafe Ermera sente kontente los tanba bele sai kampiaun no ami bele tuir kompetisaun cricket ne’e, kompetisaun cricket ami hahu iha 2018 to’o agora ami hetan kampiaun ba dala rua ona” kapitaun asosiasaun Kafe Ermera Nuncio Reis ba Jornalsita sira iha fatin kompetisaun stadium Kafe Ermera iha Gleno domingu (13/02)
Iha fatin hanesan, tuir treinador asosiasaun kafe Ermera Ano Alves, katak sira-nia preparasaun durante ne’e hala’o deit iha uma tanba pandemia covid-19, iha loron sabadu domingu no loron feriadu, tanba, sira hala’o atividade ida-idak nian, eskola, servisu no jogu cricket.
“Ami nia preparasaun ne’e ho pandemia moras covid-19 ne’ebe treinu iha uma deit, depois tempu treinu oras ida nia laran deit, tanba halo atividade servisu nian entaun buka tempu para buka oras iha tempu loraik no uza tempu ida ne’ebe labarik sira sai eskola no tempu ne’ebe feriadu depois treinu la treinu iha semana ida tomak iha loron sabadu no domingu deit“, tenik Nia.
Ho kampeaun Ida ne’e, maka Asosiasaun Ermera konsege sai ona kampeaun ba Dala Tolu, ne’e Mak iha Tinan 2018, 2021 no 2022.
ADS