DILI – aban loron (26/02) Federasaun Futebool Timor-Leste (FFTL) sei realiza kongresu ba dala VII ho nune’e Asosiasaun Futebool sira oras konsentra ona iha Dili, maibé Asosiasaun sira la hamutuk, tanba ne’e Observador Futebool Alex Vong konsidera FFTL kontra ona Rejimentu artigu 1.
Durante ha’u nia akompainhamentu desde tinan 2010 mai to’o 2018 normálmente ema sira delegadu ne’e mai husi Asosiasaun sira koloka sira iha hotel fatin ne’ebé mak dignu ba sira atu hela no konsetra perpara aan ba Kongresu
Mais ha’u rona mós informasaun balu dehan katak delegadu sira hela iha fatin ne’ebé la hanesan, iha artigu 1 ko’alia klaru ona iha ne’eba hanesan matadalan ba iha Kongresu, delegadu sira ne’ebé atu ba Kongresu hela hotu iha hotel sira nia transporte nesesidade Federasaun mak organiza
“Se sira hela fali fatin ketak ketak ne’e difisil, ema tenke hela iha fatin ida ne’e lei no estatutu mak haruka i Rejimentu ne’ebé mak regula kongresu ne’e rasik mak hatete iha artigu 1 sira tenke hela hamutuk iha fatin ida la’os hela fali ketak ketak” dehan Alex Vong ba JHD iha nia rezidensia Bairro Pite Dili sesta (25/ 02).
“Ne’e labele ne’e ita rasik mak viola ona iha Sekretáriu jerál Federasaun Futebool la hare ida ne’e, ita nia lalaok kongresu ne’e seidauk la’o de’it ita viola ona” dehan nia
Delegadu sira hotu sei hela fatin ida Federasaun mak sei organiza sira nia transporte no delegadu sira labele hela iha fatin ketak ketak tenke hela iha fatin ida iha fatin ne’e mak adekuadu seguru para sira bele partisipa iha Kongresu
Iha sorin seluk, Adejuntu sekretáriu FFTL Frederico Martins, hatete, Tuir Informasaun Asosiasaun hotu hotu to’o ona iha Dili, hanesan kongresu ne’ebé mak la’o baibain hanesan tinan antes sira ba perpara fatin ba sira hela, sira ida ida hela iha sira nia fatin ou balu familia uma la iha Dili sira bele hela iha fatin ne’ebé de’it depois mak sira lori invoice mai Federasaun hodi selu.
“Ohin meudia tuir informasaun ne’ebé ami hetan ne’e Asosiasaun sira iha hotu iha Dili ona, no sira iha ida ida nia fatin” dehan Frederico
Fundus ne’ebé mak FFTL fó ba Asosiasaun sira ne’e Kada ema ida hetan 250 Ne’e inklui ona sira nia osan viajen ne’ebé fó ba sira kada Munisipiu ne’e ne’e ema nain tolu, orsamentu ne’ebé fó ba sira ne’e inklui ona hotel loron 2 ho han nian
Ne’ebé depende ba sira, sira atu uza ba sira nia aan ka ou uza atu selu hotel, ne’ebé Federsaun fó sira atu hili fatin ne’ebé sira atu hela ba.
“Osan ne’e ami fó ba sira no sira mak ezekuta rasik ne’ebé atu uza selu hotel ne’e depende ba sira tanba ita halo iha Dili karik mak halo iha Munisípiu seluk entaun Asosiasaun sira bele hela hotu iha fatin ida” dehan Frederico
Charlly Junior