Dili – Federsaun Futebool Timor-Leste FFTL sei realiza kongresu ba dala 7 iha loron aban loron (26/02) hodi hili prezidente FFTL ba períodu 2022-2026, nune’e observador Futebool, Alex Vong, husu ba Asosiasaun Futebool sira atu hili kandidatu ne’ebé mai ho programa di’ak hodi dezenvolve Futebool.
Observador Futebool Alex Vong hato’o asuntu ne’e ba JHD iha nia rezidensia Bairro Pite Dili (25/02).
Hanesan observador ba Futebool, sente kontente katak iha organizasaun ida la’o tuir ona estatuta kada tinan 4 ita tenke halo kongresu para hodi halo avaliasaun ba sira nia serbisu durante sira nia mandatu, no kongresu ne’e persija duni tanba hanesan baze ida atu hadia Futebool tanba ne’e mak FFTL anusia kongresu sira sente kontente tanba ne’e komitmentu husi Federsaun atu perpara ba iha Kongresu konsege aban realiza.
Kandidatura sira liu ona prosesu naruk, rezistu husi verifikasaun no pronunsia kandidatura sira ba iha prezidente FFTL, no membru Ezekutivu sira, liu hotu ona prosesu verifikasaun i espera kandidatura sira la’o tuir estatuta no rezimentu ne’ebé mak aprova ona antes hodi kondus kongresu ne’e rasik ida ne’e mak ema hotu hakarak no hein
Nia mós sente kontente tanba iha kandidatura hamutuk na’in tolu, iha kandidatu foun ida mak Nilton Gusmao, ne’ebé mak brani kandidata aan ba iha Futebool, hanesan ema observador Futebool hare ba Kandidatu 3 ne’e iha nain rua mak halo ona obra iha Futebool, kandidatu rua ne’e mak Nilton Telmo Gusmao no Francisco Kalbuadi Lay.
Nia mós husu ba delgadu asosiasaun sira atu hili kandidatu sira ne’ebé mak ba ho vizaun no misaun ne’ebé mak hodi dezenvolve Desportu Futebool.
“Hili ema ne’ebé mak mai ho programa se nia mai ho programa ita bele ezizi se nia la mai ho programa ita se kandidatu ne’ebé mak la mai ho programa di’ak liu lalika tanba nia sei la dezenvolve buat ida” dehan nia
Nia esplika, Nilton Telmo Gusmao Santos nia obra mak Liga Futebool Amadora (LFA) ne’ebé mak transforma ona ba Liga Futebool Timor-Leste (LFTL), organizasaun ida ke nia lidera no nia mós investe atraves ho nia Kompanha sira ne’ebé mak eziste fó apoiu ba Liga nia rezultadu mak Timor Leste tama too semi Final komesa ho di’ak la hanesan ho jogu sira anterior.
Nia hatutan “Nilton Gusmao la’ós mak foin organiza Futebool maibé desde uluk kedas nia tenta organiza ona eventu lubun ida wainhira FFTL rasik seidauk hamrik hare husi esperiénsia ne’ebé nia bele fo esperansa Futebool ke persija atu eleva no hasae kualidade Futebool iha Timor Leste”
Nune’e mós kandidatu Francisco Kalbuadi Lay hanesan eis Prezidente Federsaun Futebool Timor Leste, nia iha obra boot ba Futebool Timor-Leste, liu liu lori Futebool Timor-Leste sai AFC, FIFA no mós AFF nia goolproject ba Futebool Timor-Leste Ohin loron bele ko’alia dehan Xanana Sport Center, Futebool peace FIFA house nee obra husi Kalbuadi Lay nian, no Timor Leste sai uniku nasaun ne’ebé mak hetan goolproject tolu iha tinan ida nia laran entaun hare sira na’in iha ona obra ba Futebool
Nia dehan, “Konba kandidatu Francisco Jerónimo nia lidera tinan haat maibé la iha mudansa no buat ne’ebé nia halo mak lori klubu ida reprezenta Timor-Leste iha AFC maibé ne’e mós tanba kompetisaun ne’ebé mak lídera husi Nilton Gusmao rasik”.
Enteretantu Kongresu ba dala 7 ne’e kandidatura hamutuk na’in tolu mak hanesan Atual prezidente Federsaun Futebool Timor Leste (FFTL), Francisco Jerónimo, atual Vise Prezidente Asian Football Federation (AFF) Francisco Kalbuadi Lay, No atual prezidente Liga Futebool Timor-Leste (LFTL) Nilton Telmo Gusmao Santos.
Enkuantu, kongresu FFTL ba dala-7 ne’e sei partisipa husi Asosiasaun Futebol husi Munisipiu hamutuk 12 inklui RAEOA, Asosiasaun Arbitrajen, Asosiasaun Futebol Femenino, Asosiasaun Treinadór, Asosiaun Sentru Juveníl, Asosiasaun Futsal, Kampeaun segundu divizaun (Emanuel Fc) ho Kampeaun primeira Divizaun (Karketu Díli Fc) epoka 2021. Parte hirak ne’e maki ha direitu hodi vota ba Presidente FFTL foun ba periodu 2022 – 2026.
CharllY Junior
