DILI – Federsaun Futebool Timor-Leste fahe Fundus 250 ba Asosiasaun Futebool Munisipiu hotu hotu uza durante loron rua iha Dili hodi tuir kongresu FFTL ba dala VIII ne’ebé mak sei hala’o aban loron (26/02) iha hotel Novu turizmu.
“Tuir Informasaun Asosiasaun hotu hotu to’o ona iha Dili, hanesan kongresu ne’ebé mak la’o baibain hanesan tinan antes sira ba perpara fatin ba sira hela, sira ida ida hela iha sira nia fatin ou balu familia uma la iha Dili sira bele hela iha fatin ne’ebé de’it depois mak sira lori invoice mai Federsaun hodi selu” dehan adejuntu sekretáriu FFTL Federico Martins ba jornalista iha Hotel Novu Turizmu Bidau Lecidere Dili sesta (25/02).
“Ohin meudia tuir informasaun ne’ebé ami hetan ne’e Asosiasaun sira iha hotu iha Dili ona, no sira iha ida ida nia fatin” dehan Frederico
Fundus ne’ebé mak FFTL fó ba Asosiasaun sira ne’e Kada ema ida hetan 250 Ne’e inklui ona sira nia osan viajen ne’ebé fó ba sira kada Munisipiu ne’e ne’e ema nain tolu, orsamentu ne’ebé fó ba sira ne’e inklui ona hotel loron 2 ho han nian” tenik nia
Ne’ebé depende ba sira, sira atu uza ba sira nia aan ka ou uza atu selu hotel, ne’ebé Federsaun fó sira atu hili fatin ne’ebé sira atu hela ba.
“Osan ne’e ami fó ba sira no sira mak ezekuta rasik ne’ebé atu uza selu hotel ne’e depende ba sira tanba ita halo iha Dili karik mak halo iha Munisípiu seluk entaun Asosiasaun sira bele hela hotu iha fatin ida“
Enteretantu Kongresu ba dala 7 ne’e kandidatura hamutuk na’in tolu mak hanesan Atual prezidente Federsaun Futebool Timor Leste (FFTL), Francisco Jerónimo, atual Vise Prezidente Asian Football Federation (AFF) Francisco Kalbuadi Lay, No atual prezidente Liga Futebool Timor-Leste (LFTL) Nilton Telmo Gusmao Santos.
Enkuantu, kongresu FFTL ba dala-7 ne’e sei partisipa husi Asosiasaun Futebol husi Munisipiu hamutuk 12 inklui RAEOA, Asosiasaun Arbitrajen, Asosiasaun Futebol Femenino, Asosiasaun Treinadór, Asosiaun Sentru Juveníl, Asosiasaun Futsal, Kampeaun segundu divizaun (Emanuel Fc) ho Kampeaun primeira Divizaun (Karketu Díli Fc) epoka 2021. Parte hirak ne’e maki ha direitu hodi vota ba Presidente FFTL foun ba periodu 2022 – 2026.
CharllY Junior
