Dili – ohin sabadu (26/02) Federsaun Futebool Timor-Leste (FFTL), realiza kongresu nasionál ba dala VII, iha Hotel Novu Turizmu Lecidere, hodi hili prezidente foun ba Federsaun Futebool Timor-Leste FFTL ba períodu 2022-2026.
Kongresu ba dala 7 ne’e kandidatura hamutuk na’in tolu mak hanesan Atual prezidente Federsaun Futebool Timor Leste (FFTL), Francisco Jerónimo, atual Vise Prezidente Asian Football Federation (AFF) Francisco Kalbuadi Lay, No atual prezidente Liga Futebool Timor-Leste (LFTL) Nilton Telmo Gusmao Santos, kandidatu nain Tolu ne’e sé loos mak sei hetan fiar husi Asosiasaun sira hodi eleitu ba prezidente FFTL ba períodu 2022-2027
Iha kongresu FFTL ba dala VII ne’e hetan partisipasaun masimu husi delegadu sira husi Asosiasaun Futebol Munisipiu sira hamutuk 14 no Asosiasaun Profesional hamutuk 7 mak hanesan Asosiasaun Arbitrajen, Asosiasaun Futebol Femenino, Asosiasaun Treinadór, Asosiaun Sentru Juveníl, Asosiasaun Futsal, Kampeaun segundu divizaun (Emanuel Fc) ho Kampeaun primeira Divizaun (Karketu Díli Fc) epoka 2021. Parte hirak ne’e mak iha direitu hodi vota ba iha Kongresu Presidente FFTL foun ba periodu 2022 – 2026.
Aleinde de ida ne’e hetan partisipa mós husi parte governu liu husi Sekretáriu Estadu Juventude no Desportu (SEJD), Abrao Saldanha no prezidente Konfedersaun Desportu Timor Leste (CDTL), Macario Sanches, Nune’e mós reprezentante Federation Internationa, (FIFA) na’in 1 no reprezentante husi AFC na’in 2
Nune’e mós klubu sira ne’ebé mak husi primeira divizaun no Segunda divizaun husi LFTL nian no mós primeira divizaun no Segunda divizaun husi AFTL n munisipiu sira hotu to’o iha Dili horseik loron (25/02), no Asosiasaun sira hela iha fatin ne’ebé mak la hanesan.
CharllY Junior
