DILI – Ohin Sabadu (26/02) Federsaun Futebool Timor-Leste (FFTL) realiza kongresu nasionál ba dala VII hodi hili prezidente foun ba períodu 2022-2026, Sekretáriu Estadu Juventude no Desportu (SEJD) Abrao Saldanha, husu ba kandidatura sira, atu labele kahur entre polítik ho bola
“Iha Futebool labele kahur entre polítika ho bola, haree bola haree loloos de’it bola, wainhira polítika kahur ho bola ema mak hatama golu tanba ita perkupa polítika ema pasa bola ba malu” dehan Abrao liu husi nia diskursu iha Kongresu FFTL ba dala VII iha Hotel Novu Turizmu Lecidere sabadu (26/02)
“ita labele kahur polítika ho bola tanba polítika ho bola ne’e hanesan mina ho bee labele kahur malu” tenik nia
Tanba ne’e desezu susesu ba kongresista sira hotu, hein katak ekipa ida forte liu tan, atu bele kontinua dezenvolve Futebool iha Timor Leste, dala ida tan lori governu nia naran agradese ba ekipa agora ne’ebé mak serbisu hamutuk ona ho governu.
Kongresu ba dala 7 ne’e kandidatura hamutuk na’in tolu mak hanesan Atual prezidente Federsaun Futebool Timor Leste (FFTL), Francisco Jerónimo, atual Vise Prezidente Asian Football Federation (AFF) Francisco Kalbuadi Lay, No atual prezidente Liga Futebool Timor-Leste (LFTL) Nilton Telmo Gusmao Santos, kandidatu nain Tolu ne’e sé loos mak sei hetan fiar husi Asosiasaun sira hodi eleitu ba prezidente FFTL ba períodu 2022-2027
Iha kongresu FFTL ba dala VII ne’e hetan partisipasaun masimu husi delegadu sira husi Asosiasaun Futebol Munisipiu sira hamutuk 14 no Asosiasaun Profesional hamutuk 7 mak hanesan Asosiasaun Arbitrajen, Asosiasaun Futebol Femenino, Asosiasaun Treinadór, Asosiaun Sentru Juveníl, Asosiasaun Futsal, Kampeaun segundu divizaun (Emanuel Fc) ho Kampeaun primeira Divizaun (Karketu Díli Fc) epoka 2021. Parte hirak ne’e mak iha direitu hodi vota ba iha Kongresu Presidente FFTL foun ba periodu 2022 – 2026.
Aleinde de ida ne’e hetan partisipa mós husi parte governu liu husi Sekretáriu Estadu Juventude no Desportu (SEJD), Abrao Saldanha no prezidente Konfedersaun Desportu Timor Leste (CDTL), Macario Sanches, Nune’e mós reprezentante Federation Internationa, (FIFA) na’in 1 no reprezentante husi AFC na’in 2
Nune’e mós Prezidente no reprezentante sira husi klubu Primeira Divizaun no Segundu Divizaun LFTL no AFTL no mós Futebool Femenino sira
CharllY Junior
