Dili – Kongresu Federsaun Futebool Timor-Leste (FFTL) ba dala 7 ne’ebé mak hala’o iha Hotel Novu Turizmu ohin loron (26/02) iha primeira ronda Kandidatu Francisco Jerónimo manán iha Primeira Ronda ho votus 9 ho nune’e kandidatura sira tenke hakat ba segunda Ronda maibé iha segunda Ronda ne’e kandidatu númeru 1 Kalbuadi Lay rejigna husi segunda Ronda.
Iha votasaun dahuluk Kandidatu númeru 1 Francisco Kalbuadi Lay hetan votus 5 no kandidatu Segundu Francisco Jerónimo heta Votu 9 enkuantu kandidatu 3 Nilton Telmo Gusmao Santos hetan votus 7
Husi rezultadu votasaun ne’e tenke hakat to’o segunda ronada tanba la iha kandidatu ida mak hetan fiar husi Asosiasaun hodi hetan 2³ husi Asosiasaun sira iha primeira ronda
No hafoin remata iha Primeira Ronda kandidatu númeru atual vise prezidente Asian Football Federation (AFF) Francisco Kalbuadi Lay rejigna aan kedas ho nune’e kandidatu na’in 2 Francisco Jerónimo ho Nilton Telmo Gusmao Santos mak avansa ba segunda Ronda
“Ha’u sai husi kandidatura fó oportunidade ba Francisco Jerónimo ho Nilton Gusmao hodi kompete” deklara Kandidatura Francisco Kalbuadi Lay hodi rejigna aan.
Iha kongresu FFTL ba dala VII husi delegadu sira husi Asosiasaun Futebol Munisipiu sira hamutuk 14 no Asosiasaun Profesional hamutuk 7 mak hanesan Asosiasaun Arbitrajen, Asosiasaun Futebol Femenino, Asosiasaun Treinadór, Asosiaun Sentru Juveníl, Asosiasaun Futsal, Kampeaun segundu divizaun (Emanuel Fc) ho Kampeaun primeira Divizaun (Karketu Díli Fc) epoka 2021. Parte hirak ne’e mak iha direitu hodi vota ba iha Kongresu Presidente FFTL foun ba periodu 2022 – 2026.
CharllY Junior
