Dili – Prezidente klubu Relay Laleia Fc Feliciano Perpetua kestiona no lamenta tebes desizaun husi Orgaun Liga Futebool Timor-Leste (LFTL), ne’ebé mak la halo degradasaun ba klubu sira husi segunda divizaun iha epoka 2021 nian, no konsidera Liga seidauk Profesional.
“Ha’u lamentavel iha segunda divizaun no Primeira divizaun nian tanba iha Liga iha ne’ebé de’it hanesan ita akompanha iha nasaun sira seluk wainhira bolu ona dehan Liga Profesional, iha Primeira Divizaun sempre iha degradasaun ho mós iha segunda divizaun sempre iha degrada” dehan prezidente Relay Laleia Fc ba jornalista sira iha Xanana Sport Center Formoza Dili sesta (25/01).
Na’in ba klubu Relay Laleia ne’e hatutan, Iha Timor Leste ne’e sé karik Liga Futebool Amadora nia la kestiona tanba sira terseira divizaun maibé iha ona kongresu tinan kotuk muda ona LFA ba LFTL ne’e nia iha Kestaun boot atu kritika, maibé ne’e mós la’ós Kriteria destroi maibé ne’e kritika konstrutivi para bele la’o dalan loos
Nia esplika, primeiru divizaun ne’ebé la kompete hetan sansaun tun mai segunda divizaun, segunda divizaun la kompete tun mai terseiru divizaun nusa mak primeira divizaun iha degrada no Segunda divizaun la iha degrada?.
“Liga Futebool Amadora (LFA), depois transforma ona ba Liga Futebool Timor Leste (LFTL), ha’u agradese tebes bá sira nia esforsu no sira nia no inisiativa ne’ebé mak ho laran loke ona Liga ida ne’e no ohin loron klubu barak mak partisipa no ita hetan ona jogador barak, no husi partisipa iha Liga ne’e mak hetan jogador di’ak hodi enkaisa hamutuk hodi fó Treinamentu maka ba ohin loron sira jogu iha mudansa lori ita nia nasaun hodi hamorin imajen Timor Leste nia ne’e ha’u agradese tebes bá sira“, tenik nai
Nia mós lamentavel tebes ho LFTL nia programa tinan ne’e tanba kalendariu ne’e la fiksu tinan ida ne’e ladún di’ak tanba ne’e hakarak husu ba LFTL se bele ba tuir tan Treinamentu ruma ba Futebool ne’e iha nasaun vizinu sira para bele hetan referensia husi ne’ebá hodi sai esperiénsia ba sira hodi hala’o Futebool ne’e ho di’ak.
Segunda divizaun la degrada entaun klubu ho pontu kiik liu ne’e segunda divizaun nian ne’e hetan subsidiu ne’e saugati no tinan ne’e sira kompete tan subsidiu agora sira terseiru divizaun ne’ebé mak kompete iha tinan rua liu ba sira la hetan subsidiu maibé tanba iha paisaun ba bola hakarak promove jogador sira ne’ebé mak seidauk enkaisa iha klubu boot sira tenke promove fali sira husi terseiru divizaun.
Hatan ba Kestaun ne’e Diretor verifikasaun lisensamentu klubu LFTL, José Carvailho, esplika, tuir loloos kompetisaun ba terseiru divizaun ne’e la mosu iha kalendariu Liga nian, maibé tanba mosu ideia husi prezidente atual Liga Futebool Timor-Leste LFTL Nilton Gusmao, mak hakarak realiza maibé ho kondisoens, tinan rua ne’e mundu tomak afeta ba moras global Covid-19.
No mós infrastrutura mós la apoiu para atu realiza entaun kuaze tinan rua ne’e tanba ne’e mak tinan rua ikus ne’e la iha jogu sira joga ne’e iha 2019 ho nune’e mak ekipa Emmanuel Fc mak promovidu ba segundu divizaun
Diretor verifikasaun lisensamentu ne’e mós husu ba prezidente klubu Laleia, Sé bele nia bá rezistu nia klubu iha Munisípiu no Kampeaun iha ne’ebá mak mai tuir segunda divizaun agora tenke la’o tuir nia lalaok labele mosu de’it ho ambisiozu, maibé tenke kompetisaun hotu-hotu
“Nia hakarak ko’alia haree lai nia Klubu ne’e nia klubu perparadu ona ka lae, tuir planu Liga iha tinan ne’e la’ós terseiru divizaun la’ós mai diretamente joga iha Dili, maibé dudu hotu ba joga iha Munisípiu” dehan José Carvailho.
“Ba prezidente Laleia, atu haree de’it ba nia klubu nia andamentu lalika mai tama to’o iha Liga nia serbisu, maibé LFTL mós konsidera ne’e fasparte husi dinamiku hodi haree Futebool atu la’o ho di’ak“
CharllY Junior
