DILI – Klubu promovidu Fc Portu Taibesi Ofisialmente kesi ona kontratu ho Miro Baldo Bento hodi sai Treinador foun ba klubu ne’ebé mak identiku ho naran Azuis e Brancos.
Miro Baldo Bento nu’udar eis futebolista no nia hahú nia kareira iha mundu Futebool iha tinan 1992 iha klubu Persija Jakarta (Indonézia) no termina nia kareira Futebool iha tinan 2016 iha klubu Fc Portu Taibesi, Iha tinan 2016-2018 ne’e kedas Miro sai assisten Treinador iha Fc Portu Taibesi no iha tinan 2018-2019 Miro sai assisten Treinador ba selesaun nasionál Timor Leste
Iha tinan 2019-2020 Miro Baldo Bento hetan fiar hodi sai Treinador ba Klubu Panteras Negras ka Boavista Fc Timor
Iha epoka 2021 Portu Taibesi promovidu ba Primeira Divizaun, ho nune’e Klubu deside hodi dada hikas sira nia, eis assisten Treinador klubu Fc Portu Taibesi no mós hanesan eis jogador ba Fc Portu Taibesi ne’e, hodi hadia Portu Taibesi nia futuru
“Ne’e la’ós hanesan buat foun ida maibé hanesan ha’u fila fali mai uma, agora Portu Taibesi ba ona primeira divizaun, sira persija ha’u, no ami hakarak hadia Portu, para bele mantein nafatin iha primeira divizaun” dehan Treinador Fc Portu Taibesi, Miro Baldo Bento ba jornalista sira iha Capu Futebool Taibesi tersa (01/03).
Fc Portu iha tarjetu ida, ne’e mak nia hakarak ne’e mak atu Portu Taibesi mantein nafatin ho sira halo rotasaun oituan ho jogador ne’ebé mak buka tuir nia hakarak hodi buka jogador di’ak para atu reforsa iha klubu Portu Taibesi.
“Ha’u nia esperansa boot ne’e mak hakarak Portu Taibesi mantein iha Primeira Divizaun no tinan ita hadia didiak tok karik hetan prestasaun di’ak para ekipa seluk hatete katak Portu Taibesi hader ona, no tinan ne’e oportunidade di’ak para atu hadia, Portu bele fila fali hanesan Portu uluk” tenik nia
“Ita ko’alia hanesan sé ha’u bola ne’e hanesan Profesional, ha’u hanorin uza Profesional, sira la iha garasia dehan durasaun tempu ne’e hira, maibé depende sira iha akordu mak ita haree, se sira fó ha’u durasaun tinan ida karik to’o klaran mak prestasaun la di’ak tenke simu konsensia ” nia hakotu
Iha fatin hanesan prezidente klubu Fc Portu Taibesi, Evodio António Fernandes De Andrade, informa, dadaun ne’e sira iha ona Treinador ida no assisten Treinador na’in 2.
“Ami hetan ona Coach na’in tolu ida mak antes lori Portu Taibesi promovidu ba primeiru divizaun agora Coach foun na’in rua mak ami rekruta tan ida mak Olavo Miranda Branco no ida mak Miro Baldo Bento” tenik nia.
CharllY Junior
