DILI-Federasaun Futebol Timor-Leste (FFTL) seidauk simu pedidu husi klube Sira ba jogador estranjeiru maski janela transferensia komesa Loke ona komesa husi loron 10 fulan fevereiru sei remata iha loron 10 fulan marsu 2022.
Kestaun hirak ne’e hato’o husi sekretáriu jerál FFTL, Frederico Pereira Martins mós informa, antes ne’e FFTL loke ona janela tranferénsia ba jogadór estranjeiru sira maibe klube Sira seidauk Hatama pedidu ruma ba FFTL.
“Ami Loke ona janela transferensia ba jogador internasional maibe to’o oras ne’e ami seidauk simu pedidu ruma husi klube sira kona-ba halo tranferénsia jogadór estranjeiru nian mai Timor-Leste”, Adjuntu Sekretariu FFTL Frederico Martins ba jornalista sira iha edifisu FFTL, Bairro Formosa, Dili tersa (01/03).
Frederico hatutan, sira sei hare kona-bá tranferénsia jogadór lokál nian, ne’ebé mak órgaun Liga sira loke ne’e mak iha pedidu ruma husi klube balun husu hakarak lori jogadór estranjeiru balun mai hodi haforsa sira nia ekipa, sira mós sei estende tan loron tranferénsia jogadór estranjeiru sira nian no sira halo ona konsultasaun ho órgaun Liga Timorense nian, relasional ho janela tranferénsia jogadór lokál sira, Tanba antes ne’e mós, órgaun Liga Timorense anúnsia ona kalendáriu transferénsia jogadór lokál sira, iha époka dahuluk tinan ne’e.
Sekretariu ne’s dehan estrutura foun ne’ebe foin iha sei tenta halo komunikasaun Diak haree diak liu tan kona ba orariu kompetisaun nian tenki fiksu ba tinan lima nian hanesan jogu internasional hodi nune’e halo janela transferensia tuir jogu internasional para klube sira preparadu diak liu tan.
“Estrutura foun ne’ebé foin iha, ami sei tenta para halo komunikasaun ida di’ak, nune’e oráriu kompetisaun liga ne’e labele hala’o de’it iha époka 2022, maibé nia tenki iha nia kontinuasaun ba époka 2023-2025, nune’e klube sira bele preparadu tuir kalendáriu FIFA no AFC nian no sira nia kalendáriu ba kompetisaun ne’e ba tinan lima nian, tanba ne’e iha Timor-Leste mós tenki halo kalendáriu ida fiksu ho relasaun jogu internasionál sira, nune’e bele hafasíl ita, oinsa bele halo kompetisaun domestika sira bele la’o ho di’ak no halo Janela transferesia tuir jogu internasional nian” Frederico dehan
Klubu sanulu iha divizaun dahuluk Liga Timorense no klube iha divizaun daruak Liga Timorense Epoka 2022 mak FFTL fo oportunidade ba sira rekruta jogador estranjeiru hodi reforsa sira nia klube ba liga epoka 2022.
ADS
