DILI- Klube AD SLB Laulara sei buka estranjeiru esperensial nain tolu reforsa ekipa hodi reforsa ekipa hodi oreinta no motiva jogador lokal sira iha Liga Timorense epoka 2022.
Tanba Liga Timorense epoka ida ne’e iha kompetisaun makaas entre klube sira entaun klube AD SLB laulara sei buka jogador estrajeiru nain tolu ne’ebe joga iha lina defeza, mediu no avasadu reforsa ekipa ba liga divizaun dahuluk tinan ida ne’e.
“Ami tenta buka jogador estrajeiru rua ka tolu tanba agora iha baliza estranjeiru ona, ami buka tan jogador iha pozisaun mediu, defeza no avasadu ne’ebe iha esperensia liu maski ami nia jogador ne’ebe joga iha ekipa nasional iha esperensia makaas ona maibe presiza jogador estrajeiru iha esprensia makaas liu sira hodi fo motivasaun no orienta jogador lokal sira maibe ami nia ekipa la mukit jogador maibe iha atensaun para anima liu tan iha jogu ne’e diak liu tan depois ami bele muda tatiku no estratejia iha jogu nia laran”, sekretariu jeral Domingos Caeiro ba Jornalista sira iha Bairro Formosa, Dili tersa (01/03)
Sekretariu hatutan, sira kontaktu ona ho jogador estranjeriu ida ne’ebe uluk reforsa tiha ona klube ne’e no jogador estrajeiru viazen husi Vietnam ne’ebe hakarak involve an iha AD SLB Laulara maibe kona jogador sira entrega ba ekipa treinador tanba sira mak hatene tipu no karater jogador ne’ebe jogador para hatama mai SLB ne’ebe labele tama ba jestaun treinador depois jogador ne’e to’o mai treinu ho ekipa, treinador haree nia tipu ho karater pas ho klube nian ne’e desizaun iha treinador maibe sira iha ambisaun hakarak bolu jogador estranjeiru husi Brazil maibe ho situasaun agora sei kusta oituan maibe sira tenta buka, karik janela tranferensia dahuluk mak la konsege, entaun janela transferensia daruak sira fiar katak sei hetan jogador diak ruma husi Brazil para reforsa iha mediu maibe sira nia jogador iha lina mediu potensial tebes maibe presiza jogador esperensia liu sira para orienta sira.
Domingos dehan, sira iha ambisaun nafatin laos buka kampiuan deit maibe mantein iha divizaun dahuluk Liga Timorense epoka 2022 no tinan ida ne’e orgaun LFTL preparadu halo liga professional liu tan atu nune’e klube sira bele submete diak ba ekipa nasional.
“Ami nafatin iha ambisaun laos atu buka kampiaun deit iha epoka ida ne’e maibe labele degrada iha divizaun dahuluk tanba agora kompetisaun makaas tebes orgaun liga preparadu para halo liga mais professional no prepara dokumnetu sira rigorozu ba jogador sira ida ne’e mak klube sira hein para ita bele hetan jogador diak para depois klube sira bele submete ba ekipa nasional ne’ebe klube sira hotu inklui SLB preparadu para atu haree jogador ne’ebe diak atu tama iha Liga Futebol Timor-Leste nian ho kualidade diak” Domingos dehan
Nia informa, Iha ona anunsiasaun ba janela trasferensia maibe to’o agora klube sira seidauk simu dokumentu ruma tanba normalmente sira haruka karta ba klube sira maibe seidauk hetan dokumentu husi orgaun liga sira hein katak semana ida ne’e simu ona karta para bazeia ba karta ne’e sira bele buka ona dalan oinsa rekruta tan jogador mellor atu reforsa tan sira nia ekipa.
ADS
