DILI – Asosiasaun Futsal Timor Leste (AFTL) ofisialmente termina ona halo rejisstrausaun ba klubu Juvenil sub-14 no klubu hamutuk 16 mak rezistu ona atu kompete Jogu Futsal Juvenil sub-14.
Iha sexta foin lalais ne’e Asosiasaun Futsal Timor Leste (AFTL) termina halo Rejistrasaun ba klubu sira ne’ebé mak atu kompete iha jogu futsal juvenil sub-14 no totál klubu hamutuk 16 mak rejistu ona atu kompete iha Jogu Futsal Juvenil sub-14.
AFTL hahú loke Rejistrasaun ba klubu iha loron 18 – 31 Janeiru no loke ba públiku iha loron 7-11 fevereiru 2022, no klubu sira tenke iha jogador juvenil sub-14 hamutuk 16
“16 klubu mak rejistu ona atu partisipa maibé sei falta klubu 5 mak seidauk kompleta dokumentus entaun hein hela ida ne’e sira sei kompleta sira nia dokumentu tarde liu mak iha inisiu fulan ne’e ona ” dehan Sekretáriu jerál Asosiasaun Futsal Timor Leste (AFTL) Fernando Batista ba JHD iha Kampu Futsal Kuartel Geral Dili kuarta (02/03).
Sekretáriu jerál ne’e afirma, Semana ida ka rua mai tan sira hahú ona no sira fó prioridade ba klubu 24 ne’ebé mak antes ne’e partisipa maibé kuaze hamutuk 13 de’it mak partisipa no foun hamutuk 3 entaun sira la mai AFTL labele obriga tanba klubu balu jogador juvenil la iha.
“Tuir ita nia planu tarde liu iha insiu fulan ne’e, no ita tenta ona sira atu submete sira nia dokumentu maibé sira tarde, ita tenta headline ne’e sexta agora tenke tama hotu ona para iha semana oin, bele teknikal meeting jadwal sai i semana oin bele hahú joga oan” tenik nia.
Enkuantu klubu ne’ebé mak antes partisipa iha Pra Liga Futsal hamutuk 24 no husi klubu 24 ne’e iha klubu 13 mak rejistu iha AFTL atu kompete iha Jogu Futsal Juvenil sub-14.
Klubu 13 ne’ebé mak rejistu ne’e, Maudoko Fc, Sao Francisco Xavier, Becusse United, Ramelau Fc, Crazy Hourse, Boa Sorte, Lahane RB, Fc B’Tal, Fc Fiel, As Jerman, Academica Fc, Estrela Baguia,
Klubu foun 3 ne’e mak Relay Laleia Fc, husi Munisípiu Manatutu, Atletico Ailok laran husi Distritu Dili, no Waesel Fc, husi Munisípiu Ermera.
Klubu ne’ebé mak halo falsifikasaun ba dokumentu sei diskualifika husi kompetisaun refere no sei hetan sansaun tuir regulamentu AFTL/FFTL, AFF, AFC no FIFA.
CharllY Junior
