DILI- Klube AD SLB Laulara labele sai vitima hela deit bainhira selesaun nasional ba tuir kompetisaun internasional iha rai liur tanba jogador barak husi klube ne’e sempre sai jogador selesaun nasional ne’ebe Federasaun Futebol Timor-Leste (FFTL) no Orgaun Liga Futebol Timor-Leste (LFTL) tuur hamutuk haree kalendoriu ba jogu internasional epoka 2022 para labele fo impaktu ba liga domestika tinan ne’e nian.
Tanba sai hanesan klube ne’ebe nia jogador sempre reforsa selesaun nasional ba tuir kompetisaun iha rai liur AD SLB labele sai vitima hela deit hanesan iha liga tinan kotuk nian ne’ebe sira husu ba FFTL no LFTL tuur hamutuk haree kalendoriu ba jogu internasional epoka 2022 para labele fo impaktu ba liga domestika tinan ne’e nian.
“Ami labele sai vitima hela deit tanba liga tinan ida liu ba, ami nia jogador barak reforsa selesaun nasional ba kompetisaun iha rai liur ne’ebe epoka ne’e ami husu FFTL no orgaun LFTL tuur hamutuk para ajusta kalendariu jogu tinan ne’e nian nune’e desloskasaun jogador selesaun nasional ba tuir kompetisaun internasional labele fo impaktu ba liga domestika rasik”, sekretariu jeral Domingos Caeiro ba Jornalista sira iha edifisiu LFTL Bairro Formosa, Dili tersa (1/03).
Sekretariu hatutan, nia hein katak lideransa foun re-eleitu FFTL nian bele haree jestaun ida ne’e ninia estrutura labele haluha tan katak klube sira eziste iha divizaun dahuluk no daruak iha liga futebol ne’e importante iha Timor-Leste ne’ebe kalendariu jogu karik bele federasaun ho orgaun liga tenki iha komunikasaun diak para klube AD SLB Laulara labele sai vitima hela deit, klube sai vitima tanba iha liga tinan ida liu sira nia jogador barak reforsa selesaun nasional ba kompetisaun iha rai liur karik sira nia jogador kompletu Karketu Dili FC mos la sai kampiaun ho ida ne’e sira hanoin depois lideransa foin lalais kongresista sira fiar sai prezidente FFTL labele halo promesa deit iha kampania maibe tenki hadia daudauk ona jestaun sira ne’e para iha komunikasaun entre diresaun kompetisaun federasaun no LFTL nian para ajusta kalendariu nune’e klube sira labele sai vitima tan tanba durante ne’e viola regulamentu lori klube sira nia jogador ba liur la iha kunesimentu no lori jogador liu husi nain tolu lolos liga domestika hapara ne’ebe relasaun lolos lao diak entre FFTL ho orgaun LFTL karik buat sira ne’e la akontese tanba futebol hakarak sai profesional maibe ema sira tuur iha ne’eba rasik mos la iha kunesimentu ba buat sira ne’e hau hanoin kusta oituan.
Domingos dehan, buat hotu entrega ba orgaun LFTL no Federasaun, sira tenki avizu bainhira iha kalendariu tinan ida ne’e tenki avizu ona orgaun liga tanba sira simu ona orariu tentiva ne’ebe orgaun liga fo sai ona entaun federasaun sira bolu ona orgaun liga tuur hamutuk, tuir regra lolos jogador liu husi ema nain tolu liga domestika tenki hapara hein to’o jogador sira fila foin joga fali.
“Buat hotu ami entrega ba orgaun LFTL no FFTL, sira tenki avizu ona ba orgaun liga bainhira iha kalendariu tinan ida ne’e, tanba ami simu ona orariu tentiva ne’ebe orgaun liga fo sai ona entaun federasaun sira bolu ona orgaun liga tuur hamutuk ajusta tiha para depois desloskasaun jogador selesaun nasional ba tuir kompetisaun internasional labele fo impaktu ba liga domestika rasik, tuir regra lolos jogador liu husi ema nain tolu liga domestika tenki hapara hein to’o jogador sira fila foin joga fali tanba ita nia liga laos boot hanesan iha nasaun boot sira hanesan Inglaterra ne’ebe rekruta jogador barak maibe ita jogador nasional deit ne’ebe lori jogador barak sai ba liur hau hanoin kusta oituan hetan jogador kualidade sira seluk ne’ebe federasaun sei haree asuntu ida ne’e ho seriu” Nia dehan
ADS