Dili – Treinador foun Fc Portu Taibesi Miro Baldo Bento, hakarak rekruta jogador estranjeiru na’in 3 atu reforsa ekipa Fc Portu Taibesi iha epoka 2022 atu nune’e jogador lokál sira bele hetan esperiénsia husi Jogador Estranjeiru sira.
Portu Taibesi Hahú halo perpasaun Hamutuk ho Treinador Miro Baldo, iha loron (28/02) liu ba.
Legenda Futebool ne’e kesi ona kontratu hamutuk ho Fc Portu Taibesi durante epoka ida, no nia mós kontente hahú kedas hala’o treinamentu ba jogador sira hodi enfrenta Liga ne’ebé mak tuir kalendariu sei hahú iha fulan Abríl tinan ne’e
“Ami foin perpara loron rua no jogador lokál de’it no ami sei tais tan sira ba mak sei haree tan jogador husi li’ur” Dehan Treinador Miro Baldo Bento ba jornalista sira iha campu Futebool Taibesi Dili tersa (01/03).
Eis Treinador Boavista Fc ne’e afirma jogador estranjeiru ne’e ne’ebé mak nia hakarak ne’e mak jogador sira husi Java no Sulavesi, tanba bele sai ezemplu di’ak ba jogador lokál hotu
“Ha’u hakarak reforsa tan jogador estranjeiru na’in tolu ha’u persija ha’u nia hakarak ne’e jogador sira ne’e mai husi Java ou Sulavesi para sira mai bele fó ezemplu di’ak ba ita nia jogador sira” dehan Miro
Iha fatin hanesan prezidente klubu Fc Portu Taibesi, Evodio António Fernandes De Andrade, informa, sira hahú treinu atu halo selesaun ba jogador hamutuk 22
“Agora ami komesa ho etapa Primeiru planu mak treinu depois halo selesaun husi selesaun ne’e mak sei rekruta fali jogador sira ne’ebé mak tuir estrutura deside jogador hamaluk 22” dehan Evodio António Fernandes De Andrade
“Iha etapa dahuluk ne’e ami sei tenta atu koko jogador lokál depois mak ita hare se lokál di’ak hela ami hanoin la persija estranjeiru ona” tenik nia
Nia explika, sira tenta atu halo perpasaun mais karta husi Orgaun Liga Futebool Timor-Leste (LFTL), ne’e tarde no foin mak sai iha 23 fevereiru.
CharllY Junior
