spot_imgspot_imgspot_img
spot_imgspot_imgspot_imgspot_img
More

    PNTL Realiza Kompetisaun Futebol Komemora Aniversariu PNTL ba da-22

    DILI- Polisia Nasional Timor-Leste (PNTL) realiza kompetisaun futebool  iha ambitu komemorasaun ezistensia PNTL da-22 hodi  hametin amizade ho instituisaun Governu sira seluk no sosiedade sira ne’ebe iha talentu ba futebool.

    PNTL hanesan instituisaun seguran ne’ebé iha hela esforsu atu hakbesik an ba komunidade no instituisaun seluk, nune’e sira sempre kria atividade desportu hanesan meius hodi atinji hakarak ne’e. Antes ida ne’e, PNTL mos sempre kria jogu amizade ho parte seluk, ba tinan ida ne’e PNTL sei kria kompetisaun hodi komemora sira-nia ezistensia ba da-22.

     “Ami aproveita komemora loron aniversariu PNTL nian hakarak organiza atividade desportu, kompetisaun futebol PNTL  ho instituisaun governu sira seluk no sosiedade ne’ebe iha talentu ba futebol no haburas saúde polisia sira nian” prezidente komisaun organizador superintendente xefe Arquimino Ramos ba jornalista JHD iha akademia polisia Komoro, Dili sesta (4/03).

    Arquimino hatutan, objetivu husi kompetisaun mak haree lema husi PNTL Cup 2022 mak hametin amizade no haburas saúde,  jogador sira ne’ebe partisipa ne’e tenki U-40 ba leten tanba PNTL hasoru situasaun ne’ebe sira nia membru sira moras barak no  mate iha tinan hirak liu ba ne’ebe hanesan instituisaun aproveita komemora loron aniversariu PNTL nian hakarak organiza atividade desportu ida ne’e para oinsa mak atu obriga sira nia membru sira liuliu sira ne’ebe U-40 ba leten tanba maioria sira mate ne’e idade haatnulu ba leten, entaun obriga sira halo ezersisiu nafatin para iha kondisaun saùde ne’ebe diak no mos aproveita halo jogu amizade ho instituisaun governu sira seluk hanesan ministeriu sira, F-FDTL no grupu sira seluk.

    Prezidente dehan, kompetisaun ne’e hahu ona iha loron 18 fulan fevereiru  sei remata iha loron 25 fulan marsu 2022, ekipa kompete iha kompetisaun ne’e hamutuk 12 ne’ebe mai husi unidade sira iha PNTL, F-FDTL, ministeriu sira seluk no klube sira ne’ebe nia jogador U-40 ba leten  mai husi sosiedade sira ne’ebe iha talentu ba futebol  ne’ebe hetan suporta orsamentu husi komisaun aniversariu PNTL nian ho montante 2,000 USD.

    Kompetisaun ne’e ami hahu ona  iha loron 18 fulan fevereiru  sei remata iha loron 25 fulan marsu 2022 depois komemora aniversariu PNTL iha loron 27 fulan marsu 2022 ba da-20, Ekipa kompete iha kompetisaun ne’e hamutuk 12 ne’ebe mai husi unidade sira iha PNTL, F-FDTL, ministeriu sira seluk no klube sira ne’ebe nia jogador U-40 ba leten  mai husi sosiedade sira ne’ebe iha talentu ba futebol  mak partisipa iha eventu ne’e, no ami  hetan suporta orsamentu husi komisaun ba aniversariu PNTL ho montante 2,000 USD ne’ebe sei aloka ba premiu manan nain sira, komisaun no arbitrajen sira iha tinan ne’e tanba alende atividade serimonial aniversariu nian  iha mos kompetisaun futebol”.

    Ekipa ne’ebe kompete hamutuk 12 ne’ebe fahe ba pool rua mak husi pool A nian, FC Leão Fronteira, FC. UNPAZ, FC. UEP, FC. U-40 B, FC. FIEL no FC. Comando Geral, husi pool B nian, FC. U-40 A, FC. MUACAU, FC. CICNL (F-FDTL), FC. Dili, FC. MI no FC. Timor Telecom, alende realiza kompetisaun futebol organiza mos atividade desportu dada tali no tiru ba PNTL ho F-FDTL feto sira.

    ADS

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img