DILI – Ekipa selesaun nasional futsal Timor-Leste halakon klubu segunda divizaun Liga Futsal Timor Leste Bermeta Fc, ho score 8-2 iha jogu try out, maibé iha try out ba daruak ne’e treinador ekipa selesaun futsal Timor-Leste Jorge Fernandes seidauk bele deside Jogador Intimu.
Duelo entre selesaun nasionál Futsal kontra Bermeta Fc ne’e hala’o iha kampu futsal F-FDTL Fatuhada, Dili sabadu (5/03), Iha inisiu jogu Primeira parte ekipa Bermeta Fc konsege halo empata ho score 2-2.
Maibé iha jogu segunda parte Selesaun nasionál Futsal konsege hetan nia ritmu joga ho nune’e konsege lansa tan golu neen tuir tuir malu ho nune’e to’o termina jogu segunda parte vitória ba selesaun nasionál Futsal Timor Leste ho score 8-2.
Hafoin remata jogu Treinador selesaun nasionál Futsal Timor Leste Jorge Fernandes informa, try out ba daruak kontra Bermeta Fc ne’e sira seidauk bele deside Jogador intimu.
“Ohin try daruak kontra Bermeta FC, Ami seidauk deside ekipa intimu tanba iha try out dahuluk ekipa dahuluk halo diak, ekipa daruak ladun diak, ekipa datoluk ami hadia maibe ohin sira halo kontrariu ekipa dahuluk la hatudu jogu diak, ekipa daruak ladun diak no ekipa datoluk hatudu jogu diak fali ne’ebe to’o tempu aranka ami sei halo desizaun hodi hili ekipa ne’ebé intimu lori ba Tailandia hodi hatudu jogu di’ak fó kontente povu Timor-Leste” tenik nia
Jorge afirma, try out ba dala rua sira kotinua haree ekipa selesaun nian hodi hadia psikolojia tanba sira iha emosaun tauk atu sala maibé akontese sira halo sala duni maibe ne’e normal tanba sira halo preparasaun, seidauk iha prespetiva kona ba potensia.
Iha sorin seluk kapitaun Bermeta FC Januario F. Ximenes rekonese, sira nia ekipa derrota tanba la treinu no jogador la kompletu no sira mós husu ba ekipa nasional atu hatudu jogu di’ak iha kompetisaun rai liur.
“Ami nia ekipa derrota tanba la treinu, jogador la kompletu ne’ebe ladun preparadu ho di’ak iha jogu parte dahuluk ami domina sira liu husi ami nia esperensia tanba maioria jogador selesaun futsal nian uluk no tama ba parte daruak jogador is komesa menus rezulta la iha rezistensia ne’ebe ami sofre golu no sujere ekipa nasional haree didiak kualidade jogador sira para hatudu jogu diak iha rai liur ne’ebe reprezenta Timor-Leste no ekipa nasional tenki halo esforsu treinu nafatin liu husi treinu no deskansa barak para bele hatudu jogu diak” Januariu dehan
Antes ne’e ekipa Selesaun nasionál halo uluk try out ho klubu Primeira Divizaun Sao Francisco Xavier no ekipa Selesaun nasionál Futsal manán ho score 5-3
ekipa nasional hatudu jogu diak no sira nia preparasaun sei finaliza iha fulan marsu ne’e tanba fulan abril sira sei aranka ona ba Tailandia hodi tuir kompetisaun AFF Futsal Championship 2022.
Enteretantu Iha jogu Asian Football Federation (AFF) Futsal Championsip ne’e Timor-Leste iha pool (B) hamutuk ho Vietname, Myanmar no Austrália
ADS
