spot_imgspot_imgspot_imgspot_img
spot_imgspot_imgspot_imgspot_img
More

    LFTL: Tinan-Tinan Klubu Sira sempre rejistu tarde

    DILI— Orgaun Liga Futeból Timor-Leste (LFTL), loke janela transferensia ba jogador sira hodi transfere no rekruta jogador foun molok ba kompete Liga Timorense epoka 2022, maibé seidauk iha klubu futebolista ida mak hakbesik aan ba LFTL hodi submete prosesu rejistu jogadór ne’ebé mak klube kontratu ona.

    Iha loron (21/02) liu ba Orgaun Liga hahú loke ona janela transferensia ba klubu 19 ne’ebé mak hamahan aan iha LFTL hodi halo rejistu ba jogador sira nune’e bele kompete iha Liga epoka 2022 maibé to’o ohin loron (07/03) ne’e seidauk iha klubu ida maka rejistu iha LFTL.

    Kona-ba jogador internasionál ne’e parte FFTL liuhusi deputy adjuntu sekretáriu jerál Federico Martins mak hatene, no sira hahú loke iha loron 10 fulan Fevereiru to’o 21 Marsu 2022.

    Maibé to’o agora parte órgaun liga futeból Timor-Leste (LFTL) seidauk simu informasaun kona-ba janela transferénsia (rejistu) jogadór internasionál nian.

    Janela transferénsia nasionál mós ita loke ona maibé infelizmente to’o agora klube sira seidauk hakbesik mai órgaun Liga hodi submete sira nia prosesu rejistu, maibé espera katak semana rua nia laran sira pro-ativu liu, oinsá sira bele haree jogadór ne’ebé mak sira hakarak kontratu ne’e”, hatete diretór verifikasaun e lisensa LFTL, Jose de Carvalho ba jornalista sira iha edifísiu Xanana Sport Center, Bairru Grillos, Dili segunda (07/03).

    Nia afirma, tinan-tinan sempre akontese hanesan ne’e, semana ida ka loron ida rua kompetisaun hahú mak klube sira hakbesik mai LFTL hodi rejistu.

    Diretór verifikasaun e lisensa ne’e haktuir tan, nafatin alerta ba sira, maibé órgaun liga sei bolu hotu klube sira atu realiza segundu enkontru.

    CharllY Junior

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img