Dili – Observador Futebool iha Timor Leste, Alex Vong, husu ba estrutura atual Federsaun Futebool Timor-Leste (FFTL), atu kopera ho orgaun Liga Futebool Timor-Leste (LFTL), hodi dezenvolve kompetisaun domestika iha Timor bele ba oin
“FFTL tenke hakas aan servisu makas liu tan hodi dada patrosinador barak mai iha Futebool i kopera ho Liga para lori ita nia kompetisaun domestika ne’e sa’e tan level ida ” dehan Alex Vong ba jornalista sira iha nia knaar fitin Bairro Pite Dili (15/03).
Labele haree sira hanesan fali inimigu ne’e difisil ne’e iha nia Futebool sei la ba oin, kuandu sira sees, sira dezanima husi Futebool pasiensia ita nia Futebool sei fila fali ba hanesan uluk
Nia dehan, “Federasaun Futebool mesak de’it la bele ita haree ona durante tinan 16 nia laran ne’e ita haree ona, ho Liga ne’e mosu komesa hatudu ona prestasaun lubun ida iha ita nia Futebol”
Nia hatutan, “se sira mak hamautuk Futebool iha Timor leste ne’e bele marka pasu importante iha future”
Desezu no susesu tomak ba estrutura atual espera katak buat ne’ebé sira planu durante tinan 4 nia laran bele la’o ho di’ak no susesu
Estrutura foun ne’e eleitu husi delegadu sira mai husi Asosiasaun husi Munisípiu 14 núne’e mós mai husi Asosiasaun Profesional na’in 7 sira ne’ebé eleitu sira, sira mak iha responsabilidade tanba sira mak hili estrutura ne’e sira mak iha responsabilidade atu ezizi
Enteretantu Federsaun Futebool Timor-Leste FFTL dadaun iha ona estrutura foun hafoin liu husi kongresu nasionál iha 26 fevereiru no Francisco Jerónimo mak re- eleitu sai prezidente FFTL no vise prezidente mak Falur Rate Laek no Grigorio Correia hanesan Sekretariu jerál iha FFTL.
CharllY Junior
