DILI- Selesaun Nasional Futebool U-23 hatudu prestasaun hodi fo orgullu ona ba Povu Timor-Leste iha Asian Futebool Frderation (AFF) Championsip, nune’e Konfederasaun Desportu Timor-Leste (CDTL) husu ba atleta sira nafatin disiplina hodi ba kompete iha iha Sea Games Hanoi Vietname iha fulan Maiu tinan ne’e.
Selesaun Nasional Futebol U-23 ne’ebe foin lalais konsege hatudu jogu Di’ak ne’ebé konsege konkista terseiru Lugar iha AFF Cup, ho nune’e manan mos fiar husu povu Timor – Leste. Tan ne’e Prezidente CDTL nafatin enkoraja atu jogador Sira kontinua disiplina durante preparasaun ba kompete iha Sea Games 2022.
“Povu Timor-Leste orgullu ona ba Sira, sira fo ona prestasaun iha AFF Cup, sira tenki dixiplina nafatin, tuir regra treinamentu nian no tau hanesan atleta iha preparasaun ba Sea Games iha Vietnam iha fulan maiu tinan ne’e, ho ida ne’e ohin ami mai vizita sira hodi haree sira nia preparasaun no kondisaun hodi fo motivasaun no Enkoraja nafatin Sira, tamba reprezenta hela populasaun Timor-Leste 1.3 millaun” prezidente CDTL Macario F. Sanches ba jornalista sira iha edifisiu FFTL Bairro Formosa, Dili segunda (14/03).
Nia dehan, CDTL sempre nakloke ba federasaun hotu, federasaun sira labele izola modalidade sira, ne’ebe sira tenki sai husi sira nia zona ba buka fundu hodi servisu hamutuk setor privadu potensial sira no mos bele hetan ajuda husi organizasaun mundial ne’ebe sira pertense ba hodi nune’e sira iha Osan rasik tanba ne’e Mak konfederasaun orgullu tanba FFTL iha ona parseiru diak ho nia organizasaun Mundial, FIFA anualmente sempre kontribui ba sira dezenvolvimentu despotivu iha Timor-Leste no CDTL prepara Ai-moruk ne’ebe hetan husi SAMES ho Klinika privadu sira no mediku Karik atleta sira halo preparasaun Mak iha sintoma ruma Ai-moruk preparadu para bele distribui no kontribui ba atleta sira no hahan federasaun mak jere rasik ho fundu sira nian.
Iha Sorin seluk adjuntu Sekretariu FFTL Frederico Martins hatete, “prezensa CDTL importante tebes mai FFTL hanesan membru mos ba iha CDTL ne’ebe preparasaun ne’e ba Sea Games no sira nia prezensa bele motiva jogador sira no alende mos iha kooperasaun balun ne’ebe halo hamutuk hanesan prepara mediku sira ne’ebe hafoin vizita ida ne’e komunika kedas mediku sira tanba iha jogador ida ne’ebe hetan hela problema fiziku bele fornese medikamentu ruma ba jogador sira ne’e”.
Parte tekniku sei komunika ho mediku sira para haree jogador sira dala rua Ka tipu iha semana ida nia laran hodi Jatene saúde jogador Sira nian no viajen atleta siraw nian sei husu tulun nafatin CDTL tanba sira mak iha komunikasaun ho ministeriu Saúde no Negosiu enstrajeiru para bele atende selesaun nasional ho masimu iha Vietnam tanba durante ne’e seidauk iha komunikasaun permanente ho MNEK tanba sira lkoi selesaun to’o iha ne’eba mak embaixada sira foin hakfodak ne’ebe hakarak hato’o ba CDTL haree asuntu sira ne’e hodi embaixada sira bele fasilita selesaun nasional iha Vietnam.
Adjuntu Sekretariu hatutan, orsamentu ba preparasaun seidauk hatene tanba ekipa ne’e la’ós foin prepara maibé husi tinan kotuk kedas no iha 2019 kompetisaun desastre tebes mai selesaun nasional Futebol okupa iha okos liu tanba jogu hetan derrota hotu ne’ebe lakoi ne’e atu repete tan ne’e karik semi final hanesan bonus entaun okupa pozisaun datoluk iha grupu mós to’o ba iha federasaun.
Atividade treinamentu hodi prepara ba Sea Games hahu lansa husi CDTL, SEJD no Federasaun Desportiva iha loron 5 fulan fevereiru 2022, maka antes ne’e konfederasaun vizita ona modalidade sira seluk, só uniku seidauk mak selesaun nasional futebool tanba altura ne’eba sira sei partisipa AFF Cup,
ADS
