Dili – Treinador klubu Sao Francisco Xavier, Francisco Patrocinio Antonino, Optimista Sao Francisco sei sai Kampeaun ba Liga Futsal Timor Leste epoka 2022, tanba iha esperiénsia Pra Liga Futsal iha tinan kotuk hatudu la imposovel ba sira atu sai Kampeaun.
“Ami optimista atu sai kampiaun ami fiar katak servisu makas no servisu hamutuk sei lori ami ba objetiyvo ne’ebé ami hakrak”.
Experiência pra liga hatudu ona mai ami katak buat ida lá impossível se kuandu ita servisu makas no hamutuk”, dehan Treinador Sao Francisco Xavier, Francisco Patrocinio António ba JHD via Whatsapp segunda (14/03).
Treinador mós garante sira bele enfrenta Liga epoka ne’e no sira nia objetivu iha Pra liga mak atu kualifika iha primeira divizaun, no bele tama iha Top 5.
“Agradese ba Maromak tamba ami bele atinji objetivo pra liga nia, ba Liga nia, ami nia objetivu mak atu marka istoria iha Primeira Liga Futsal nu’udar kampiaun” tenik nia
Treinador informa, Kona ba sira nia preparasaun, sira preparadu atu kompete iha Liga primeira divizaun Futsal epoka 2022. SFX Fc rekonese katak liga primeira divizaun agora sei kompetitivu tamba forma husi ekipa sira ho kualida di’ak, tamba ne’e sira hahú treinu husi kedas Janeiru 2022 to’o ohin loron, no sei kontinua até liga hahú.
Nia relata, kona-ba Fisicamente sira preparadu tanba sira remata ona sira nia treinu físicu, tatikamente sei processu tanba sira foin hahú.
Nia dehan, dadaun Sao Francisco Xavier iha 15 jogadores, maibe sei iha possibilidade atu aumenta tan jogador 1 no husi jogador foun 5, ne’e na’in 2 sira foti husi SFX Junior
“Ami iha plano atu recruta tan jogador ida, maibe jogador refere tenki ho kualidade tékniku futsal ne’ebé di’ak tanba ne’e ami esforço hela atu buka jogador ne’ebé mak priense rekezito ida ne’e. Karik ami la hetan, ami avansa deit ho 15 jogadores. Agora dadaun ami satisfaz hela 15 jogadores atual” informa Francisco
Nia dehan, jogador 15 atual ne’e teknijamente sira ho kualidade ne’ebé mak di’ak hotu.
Enteretantu tuir orariu AFTL sei realiza Liga Futsal Primeira no Segunda Divizaun sei komesa iha fulan Abríl, klubu Primeira Divizaun hamautuk 10 kompostu husi Ramelau Fc, Mushila Fc, Mauputar Fc, Boa Sorte Fc Sao Francisco Xavier, Caesar Dante, Becusse United Fc, AD Samoro, Gamer Fc, Jerman Fc,
Antes ne’e Sao Francisco Xavier okupa iha 5 klasifikasaun Pra Liga Futsal Timor Leste ho pontus 46 husi joga dala 23
CharllY Junior
