Dili – klubu segunda divizaun Fc Coelho Prontu ona atu kompete iha Liga Futsal Timor Leste, no optimista sei sai kampeaun ba segundu divizaun Liga Futsal Timor Leste epoka 2022
“ha’u nu’udar jogador antigo Fc Coelho, no Capitão ekipa no sai treinador provizoriu ha’u garante ha’u nia jogador sira bele kompete iha 2divisaun e sei sai campião iha 2 divisão” dehan Treinador Fc Coelho Frangenio da Cruz Martins Tou ba JHD via whatsapp segunda (14/03).
Dadaun ne’e klubu segunda divizaun ne’e iha ona jogador hamautuk 15 kompostu husi jogador foun 8 no jogador ne’ebé mak antes ne’e reforsa Fc Coelho iha Pra Liga Futsal hamautuk nain 7
Nia relata sira nia preparasaun ba epoka 2022 primeiru mak sira halo dialogu entre estrutura ho jogador e encontru ba materia atu prepara ba treinu nian.
Sira halo selesaun aberta iha Dezembru no Janeiru, treinu temporáriu husi Janeiru to’o Fevereiru agora tama Marsu aumenta intensidade treinu ho squad actual. hodi hare ba teknika no sei aumenta matéria sistema e fiziku.
Antes ne’e Fc Coelho hala’o ona jogu try out kontra ekipa Selesaun nasionál Futsal ho score 3-2
Iha jogu Pra Liga Futsal ekipa Fc Coelho Okupa iha 11 klasifikasaun Pra Liga Futsal Timor Leste ho nune’e Fc Coelho obrigadu tenke kompete iha segunda divizaun Liga Futsal Timor Leste.
Enteretantu klubu segunda divizaun Liga Futsal Timor Leste hamutuk 14 mak hanesan, Fc Coelho, M-VDL Lahane, Santa Cruz Fc, Maudoko Fc, Boavista Fc, Bermeta Fc, Crazy Hourse Fc, Kuda Ulun Fc, Fitun Estudante, Estrela Baguia, Baucau All Satar B’Tal Fc, Kablaki Fc no Akademica Fc.
Enteretantu tuir planu AFTL sei realiza jogu futsal ba Primeira no Segunda divizaun sei hala’o iha fulan Abríl tinan ne’e.
CharllY Junior
