DILI – Asosiasaun Futsal Timor Leste (AFTL) submete ona proposta ba Federsaun Futebool Timor-Leste (FFTL), hodi hadia kampu Futsal F-FDTL Fatuhada Dili molok realiza jogu Primeira Divizaun no Segundu Divizaun Liga Futsal Timor Leste epoka tinan ne’e
“Proposta ami submete ona ba FFTL i vise Prezidente FFTL Falur Rate Laek mós mai ona bainhira sira aprova ita sei halo akordu tinan 15 ida para Federsaun bele hadia tia kampu ne’e antes hahú Liga Futsal” dehan Sekretáriu Jerál (AFTL) Fernando Batista Xavier ba JHD iha kampu Futsal F-FDTL fatuhada Dili sabadu (19/03)
Dadaun ne’e submete ona proposta ba iha FFTL tanba strutura foun entaun sira sei diskute iha Exco segundu enkotru hodi desidi ita hadia tia lai kampu ne’e
“Minimu liu bele taka tan husi leten tribon simples nee bele haleu tia para jogador sira bele joga iha fatin ne’ebé mak ita haree ba dignu no adeptus sira ne’ebé akompanha jogu mós bele tur iha fatin ne’ebé mak dignu ” tenik nia .
Kona ba Liga Futsal ne’e Tuir planu depois de selesaun nasionál fila husi jogu AFF Futsal Championsip Tailandia mak komesa.
CharllY Junior
