Dili – Hafoin manán klubu Primeira Divizaun Liga Futsal Timor Leste Mauputar Fc, ho score 11-2 iha jogu try out, Treinador selesaun nasionál Futsal Jorge Fernandes, informa, selesaun komesa iha level ida ne’ebé eme hotu hein no selesaun hatudu katak perparadu ona atu atu kompete iha AFF Futsal Championsip iha Tailandia.
Iha inisiu jogu Primeira parte ekipa Selesaun nasionál manán ho score 2-0.
Iha segunda parte Selesaun nasionál konsege aumenta tan golu 9 enkuantu Mauputar Fc marka de’it golu 2 ho nune’e selesaun nasionál manán ho score 11-2.
“Rezultadu jogu ohin normal tanba ami perpara selesaun ida ne’e komesa level ida ke ami hein kuandu ami satisfeitu rezultadu la espresa kona-ba ita nia perparasaun maibé hatudu katak ita nia Selesaun perparadu” dehan Treinador selesaun nasionál Futsal Timor Leste Jorge Fernandes iha kampu Futsal F-FDTL fatuhada Dili sabadu (19/3).
To’o agora ekipa Selesaun nasionál Futsal joga ho rotasaun hodi buka ekipa idela liu husi troka jogador na’in tama no haat sai no selesaun nasionál hahú hetan ona ritmu jogu ne’ebé sira hakarak.
“Ita iha jogador kualidade barak no foka ba grupu la ekipa no ne’e saudavel ba ita nia perparasaun Ha’u satisfeitu to’o agora try out ke ami halo no sei ba ho ekipa 100% ” tenik nia.
Selesaun nasionál rasik hala’o ona try out dala 4, manán dala tolu (3) no lakon ida (1), manán Sao Francisco Xavier ho score 5-3 Bermeta Fc 8-2, derota ho Klubu segunda divizaun Fc Coelho 3-2 no manán hikas Mauputar Fc ho score 11-2.
Selesaun Nasionál Futsal Timor Leste sei aranka ba Tailandia iha 25 Marsu tinan ne’e Tanba tuir orariu kompetisaun AFF Futsal Championsip ne’e sei realiza iha loron 02 Abríl tinan ne’e, iha jogu AFF Futsal Championsip iha Tailandia ne’e Timor Leste rasik iha pool (B) hamutuk ho Vietname Myanmar no Austrália.
CharllY Junior
