DILI- Kinta (17/03) Governu liu husi Sekretariu Estadu Juventude Desportu (SEJD), hamutuk ho Konfederasaun Desportu Timor-Leste (CDTL sigla portugés), no Federsaun Desportu Akademiku Timor Leste (FDA-TL) halo ona lansamentu ba perparasaun atleta universitariu Timor-Leste hodi partisipa Asian University Games (AUG) ba da- 20 ne’ebé sei iha sidade Ubon Ratchathani Tailandia iha loron 26 jullu to’o 8 agostu tinan ne’e.
“Ohin halo lansamentu ne’ebe hahu agora Ami sei hamutuk ho federasaun lima halo preparasaun intensivu ba atleta sira hodi bele reprezenta Timor-Leste ba AUG liu husi modalidade lima ne’ebe Taekwondo no Atletizmu nia preparasaun hala’o ona tanba atleta selesionadu balun sei ba partsipa Sea Games no sira seluk husi modalidade ne’e mak ba AUG mos treinu nafatin ho ekipa ba Sea Games nian no ba modalidade futebol, Xadres no Voleibol praia sei hala’o preparasaun iha loron 21 Fulan marsu 2022 depois eleisaun presidensial” dehan prezidente FDA-TL Zeferino V. Tilman liu husi nia diskursu iha seremonia lansamentu 20th AUG mak hala’o iha Jinaziu Dili
Zeferino informa, FDA-TL sei servisu hamutuk ho federasaun lima halo selesaun final ba atleta sira husi modalidade futebol, xadres no Voleibol modalidade Taekwondo no Atletizmu atu hili atleta mellor ne’ebe sira presiza hodi reprezenta Timor-Leste ba AUG antes fulan ida sira tama gazerna tanba hakarak atleta sira ne’e hetan medalla iha eventu ne’e hodi lori rezultadu pozitivu mai Timor-Leste no kriteria ba idade atleta sira ne’ebe kompete iha AUG mak husi atleta ida 18 to’o 27 ne’ebe numeru atleta ba AUG nain-41 husi modalidade lima ne’e dalaruma modalidade rua ka tolu deit mak ba tanba depende forsa orsamentu ne’ebe iha maibe iha esperensia katak bele ba hotu karik orsamentu la sufisiente tenki simu tanba situasaun mak hanesan ne’e.
Iha fatin hanesan, Reprezentante CDTL Carlos Antonio dehan, FDA-TL nia nível hanesan ho CDTL Tamba sira Organiza modalidade barak maibe tanba federasaun nia nível tun oituan la hanesan ho CDTL tanba ne’e husu ba atleta sira treinu nafatin tuir planu federasaun desportu akademiku tanba laos ba partisipa maibe hetan medalla ne’ebe atleta ida-idak tenki enkoraja an oinsa hakaas an treinu ho dixiplina tanba ho dixiplina mak lori atleta ba dalan los se la dixiplina sei hetan hetan rezultadu diak.
“FDA-TL nia nível atu hanesan ho CDTL tanba sira organiza modalidade barak maibe tanba federasaun nia nível tun oituan la hanesan ho CDTL ne’ebe ami husu ba atleta sira treinu nafatin tuir planu federasaun desportu akademiku tanba laos ba partisipa maibe hetan medalla ne’ebe atleta ida-idak tenki enkoraja an Oinsa hakaas an treinu ho dixiplina tanba ho dixiplina mak lori atleta ba dalan los se la dixiplina sei hetan hetan rezultadu diak” Carlos hateten.
Iha fatin hanesan reprezentante SEJD João Rodrigues dehan, prepara kondisaun ne’ebe fo ba federasaun ba iha faze preparasaun to’o selesaun final maibe tenki halo preparasaun ne’ebe diak tanba SEJD hakarak partisipasaun agora ne’e la’ós ba partisipa maibe ba para hetan medalla tanba investimentu tenki iha retornu tanba preparasaun ba AUG iha Tailandia hatudu rezultadu ne’ebe atleta sira sei hetan direitu ba medalla ne’ebe sira hetan.
“Ami prepara kondisaun ne’ebe fo ba federasaun ba iha faze preparasaun to’o selesaun final maibe tenki halo preparasaun ne’ebe diak tanba SEJD hakarak partisipasaun agora ne’e laos ba partisipa maibe ba para hetan medalla tanba investimentu tenki iha retornu tanba preparasaun ba AUG iha Tailandia hatudu rezultadu ne’ebe atleta sira sei hetan direitu ba medalla ne’ebe sira hetan ne’ebe Oinsa mak agora atleta sira nia reprezetasaun no aprezentasaun hatudu resultadu ba governu ne’ebe ohin halo lansamentu iha loron 17 Marsu 2022 ne’ebe husi parte governu husu atleta sira dixiplina tuir treinu nafatin hatudu prestasaun” João dehan
Reprezentante SEJD informa, ba idade partisipa iha AUG tenki 18 to’o 27 ne’ebe planu governu nian agora prepara atleta sira husi nível ensinu baziku, sekundariu no universidade atu nune’e nível universitariu mosu prestasaun lubuk ida atu nune’e reprezenta Timor-Leste iha rai liur ne’e ho kualidade no meritu hodi hetan prestasaun ne’e mak sira sei halo maibe kondisaun fasilidade minimu hela no agora governu sei implementa sistema rezolusaun desportu iha Timor-Leste ne’ebe liga entre Federasaun CDTL, CONTL no SEJD Jodi dezenvolve desportu ba oin ne’ebe enkoraja atleta no treinador dixiplina tuir planu ne’ebe prepara.
Asian university games ba dala 20 ne’e Timor Leste sei partisipa ho Modalidade liama mak hanesan, Federsaun Futebool Timor-Leste (FFTL) Federsaun Voleibol Timor Leste (FVTL) Federsaun Xadres Timor Leste (FXTL), Federsaun Taikondow Timor Leste no mós Atletismu.
ADS
