Tailandia – Ohin sabadu (26/03) Ekipa Selesaun nasionál Futsal Timor Leste to’o ona iha Tailandia atu kompete iha jogu AFF Futsal Championsip ne’ebé mak sei realiza iha loron 02 fulan Abríl to’o loron 10 fulan Abríl tinan ne’e.
Selesaun Nasional Futsal Timor Leste aranka husi Timor Leste ba iha Denpasar Bali loron 25 ho aviaun Air Asia.
Hafoin to’o iha Denpasar Bali ekipa kontinua kedas ba Singapure ho aviaun Airlines mais ou menus tuku 8;00 kalan no husi Singapure ba to’o Tailandia iha loron 26 fulan Marsu.
Ekipa jogador Selesaun Nasionál Futsal Timor Leste hamutuk 16 hamutuk ho ofisiál 8 dadaun ne’e to’o ona iha Golden Tulip Hotel.
Hafoin deskansa minutu balu ekipa saúde halo kedas tetste swab ba ekipa selesaun nasionál Futsal iha Golden Tulip Hotel
Enteretantu iha jogu AFF Futsal Championsip ne’e Timor Leste iha pool B hamutuk ho Vietname, Myanmar, no Austrália
Selesaun nasionál Futsal Timor Leste sei hahú jogu iha loron 4 fulan Abríl kontra Austrália no sei kontinua hasoru Vietname iha loron 5 no ikus liu sei hasoru ekipa Myanmar iha loron 6 hodi taka faze apuramentu.
Media JHD
