DILI- Atleta selesaun nasional ba modalidade boxing ne’ebe halo preparasaun durante fulan rua, seidauk hetan difikuldade signifikante atu bele ba compete iha Sea Games iha Vietnam.
Boxing mak modalidade ida husi modalidade sira seluk ne’ebé sei partisipa iha eventu rejionál ho naran Sea Games ne’ebé sei realiza iha Vietnam. Durante fulan rua ona maka atleta sira nia preparasaun iha aspeitu fiziku lao diak tebes, no agora treinamentu iha ona faze tekniku jogu nian.
“Ami preparasaun atleta sira ba Sea Games agora ami tama ona ba etapa daruak ne’ebe agora sira foku liu ba tekniku oinsa tuku no ses no fiziku komesa hatun ona ne’ebe atleta sira nia preparasaun lao diak” treinador boxing Gil Isac dos Santos ba jornalista sira iha fatin treinamentu Akademia Polisia Comoro, Díli tersa (22/03)
Tuir treinadór Gil dehan, atleta nain lima kontinua treinu atu ba joga iha klase walter, bulu, bantan ho layan no alimentasaunba atleta kontinua diak.
Enkunatu, ba Jose Barreto Quintas hatete, durante fulan rua nia laran sira-nia atividade treinu la’o diak tebes ne’ebé hetan esperiensia lubuk iha ezersisiu fiziku no tekniku, ho nune’e, atleta refere fiar sei hetan resultadu iha eventu rejional refere.
“Agora ami nia preparasaun falta fulan ida ho balun atu ba kompete eventu Sea Games iha Vietnam tinan ida ne’e durante ami preparasaun besik fulan rua ona ami preparasaun la’o diak no hetan treinamentu ba fiziku no tatiku ne’ebe diak no ami nain lima durante preparasaun ami iha esperansa ne’ebe boot ho treinu ne’ebe makas ami fiar katak sei hetan rezultadu ne’ebe diak iha eventu Sea Games no ba fatin hela no hahan ami sente sufisiente” José informa
Atleta selesaun nasional nain-5 husi modalidade boxing kontinua treinu iha gazerna Akademia Polisia to tempu ne’ebé determina atu aranka ba Vietnam.
ADS
