Tailandia – Selesaun Nasional Futsal Timor-Leste susesu halakon nia ekipa adversariu Kasem Bundit University KBU Fc, ho score 10-3, iha jogu try out, ne’ebé mak hala’o iha indoor Kasem Bundit University, tersa (29/03).
Antes atu kompete iha AFF Futsal Championsip 2022, ekipa selesaun hala’o perparasaun liu husi jogu try out ho klubu terseiru divizaunLiga Futsal Tailandia KBU Fc
Iha jogu try out ne’e desde inisiu Jogu Primeira parte, Selesaun Nasional Futsal Timor-Leste no KBU FC ne’e hotu-hotu hatudu jogu atrktivu tebes tanba arbitu huu apitu ekipa rua halo kedas presaun ba malu liu husi kontra atake ba malu ho núne’e ekipa rua tenke taka primeira parte ho score 3-3.
Kontinua ba jogu segundu parte selesaun nasional Timor-Leste halo jogu di’ak nafatin hodi hasae nia intensidade jogu liu husi presaun no atake makaas ba ekipa adversariu ne’ebe konsege marka tan golu hitu.
Enkuantu ataka ne’ebé lansa husi ekipa KBU Fc, sei bele antisipa husi guarda defensivu selesaun nasionál Futsal núne’e la rezulta golu ho nune’e to’o termina jogu segunda parte vitória ba selesaun nasionál Futsal Timor Leste ho score 10-3
Golu husi ekipa Selesaun Nasional Futsal Timor-Leste produs marka husi Joao Paulo, golu (3), Ramos golu (2), Joel, Elidio, Vava, Rivaldo, Agi.
Rezultadu vitória ne’e hatudu katak selesaun nasionál Futsal Prontu ona atu kompete iha AFF Futsal Championsip 2022
Enkuantu Selesaun Nasionál Futsal Timor Leste iha pool (B) hamutuk ho Vietname, Myanmar, no Austrália.
ADS
