DILI – Treinador klubu Segunda Divizaun Liga Futsal Timor Leste, Crazy Horse Fc, Joelcio Guterres, optimista sei lori Crazy Horse Fc avansa ba Primeira Divizaun Liga Futsal Timor Leste iha tinan oin.
Atu atinji objetivu ba Primeira Divizaun ne’e ekipa Crazy Horse Fc, hahu hala’o ona perparasaun treinyo husi semana kotuk, no maske nune’e nia konsidera preparasaun ne’e mós tarde liu ona kompara ho klubu sira seluk.
“Ami nia jogador sira maioria ho idade 18-22 no idade bot liu Maka 25. Maibe Ami fiar iha kualidade jogador foin sae sira nian no optimista sira bele Lori Crazy Horse avansa ba Primeira Divizaun tinan oin“, dehan Treinador Crazy Horse Fc Joelcio Guterres ba JHD via whatsapp kuarta (23/03).
Nia relata, tuir programa Crazy Horse sei hala’o treinu foka liu ba parte rezistensia fiziku durante semana 2 nia laran, no depois de ida ne maka hahú tama ba tátika no sistema sira.
“Ami mos sedauk iha lista fixu ba squad nebe Sei compete iha época ida ne, nune ho programa ba treino nafatin lao hodi hein mos kalendariu jogo husi AFTL nian Maka husi parte Clube sei tais neneik jogador sira ba Lista final antes Liga hahu” tenik nia
Nia informa, husi Jogador époka Pra-Liga nian (16 pessoas), jogador nain 5 maka la hamutuk ona ho Crazy Horse, no jogador 11 seluk sei nafatin ho sira iha Crazy Horse hodi avansa ba Époka ida ne’e.
Nia afirma, dadaun ne’e jogador hamutuk 18 maka mai treinu hamutuk ho sira husi nain 7 ne’ebé maka foun sei halo selesaun nain 5 deit Maka ba Lista final. Sira mós sei mantém naftin jogador talentu Bairro Laran nian (Delta 3), nune’e husi 16 jogador ne’ebé sei selesionadu sei Iha de’it Jogador husi Bairro ka Clube seluk nain 1 ou máximu 2 de’it.
Nia explika, Iha tempu Pra-Liga nian sira hasoru dificuldade barak, tantu husi rekursu finanseiru, no mos organização estrutura. Nune’e prejudika ba performa jogador sira iha kampu. Maibé iha epoka ida ne’e sira konsege organiza malu ona ho di’ak no tenta nafatin reforsa rekursu sira ne’ebé sei menus iha klube, atu bele hatudu Jogu ida Kompetitivu hasoru klube seluk iha segunda Divizaun.
“Maske jogador mesak otas nurak, ami iha esperansa bot ba sira. Tamba sira iha talentu no potência ne’ebé di’ak ba jogu Futsal ida ne’e. Desde idade kiik kedas sira nia atividade loro-loron Maka halimar ho Futsal to idade adultu iha de’it Bairro Laran. Nunee presiza tan deit atu treino tátika no sistema ho konhesimento oituan tuir padrun FIFA nian, Guia sira ho di’ak no mós treina sira nia mental no fó apoio moral ba Sira hodi kompete Iha Liga”.
CharllY Junior
