DILI- Kapitaun ekipa Polisia Comoro Dili Henrique da Costa kontente lori nia ekipa sai kampiaun Tasa PNTL Cup 2022 hafoin marka golu uniku iha jogu Final kontra Ministeriu Interior hodi fo vitoria ba ekipa PC Dili.
Iha jogu Final Ne’ebé mak hala’o iha kampu Futebool Academi PNTL foin lalais ne’e ekipa rua hotu hotu hatudu jogu di’ak no animu tebes adeptus sira ikus mai kapitaun ekipa PC Dili Henrique da Costa susesu marka golu uniku hodi fó vitória ba nia ekipa PC Dili.
Hafoin remata jogu, kapitaun PC Dili Henrique da Costa esperesa sentimentu kontente tanba susesu lori nia ekipa sai Kampeaun
“Hau sente kontente tanba bele lori PC Díli sai vensedor iha PNTL Cup 2022” Kapitaun Henrique da Costa ba JHD iha kampu Futebool Akademia Polisia Comoro, Díli sabadu (26/03)
Henrique hatutan, ekipa PC Díli konsege bolu membru sira husi munisipiu seluk hanesan nain rua husi Baucau no Ermera, nain ida husi Bobonaro, Ainaro, Manatuto no husi forsa defeza nian hodi partisipa iha PNTL Cup 2022 komemora aniversariu PNTL ba da-22, ekipa ne’e rasik iha preparasaun masimu tanba jogador iha esperensia ne’ebe jogu hamutuk kleur ona entaun sira hatene malu ne’ebe ohin jogu kolega sira esforsu hotu husi parte aniversáriu Jogu diak Maibe nia hetan oportunidade hodi marka golu hodi fo vitoria ba nia ekipa no tasa ne’e rotativa sei prepara diak liu tan para tinan oin prontu hodi kompete nafatin defende tasa ne’ebe hetan ona.
Iha Sorin seluk prezidente komisaun PNTL Cup 2022 Arquimino Ramos hatete, ekipa 12 ne’ebe durante halo jogu anima tebes ne’ebe sira hatudu jogu diak to’o remata konsege hetan manan nain sira ne’e sei simu sira nia premiu
“Kompetisaun nia jogu ne’e anima tebes husi ekipa 12 ne’ebe partisipa Sira hatudu jogu ne’ebe diak ho espiritu desportivu hodi komemora aniversariu PNTL ba da-22 ne’ebe to’o remata PC Dili Mak sai manan dahuluk, Ministeriu Interior manan nain daruak no Unidade Espesial polisia (UEP) ne’ebe ba manan nain dahuluk ita fo tasa ho orsamentu montante 250 USD, manan nain daruak simu tasa ho orsamentu 200 USD no manan nain datoluk simu tasa ho 150 USD ba mellor jogador, markador no ekipa ita fo tasa deit” prezidente dehan
Nia hakotu, Kompetisaun ne’e iha tasa rotativa ne’ebe tinan oin sei realiza nafatin no ekipa ne’ebe sei manan dala tolu Nia sei foti tasa rotativa permanente no orsamentu ne’ebe aloka ba kompetisaun ne’e husi orsamentu estadu ne’ebe apoiu mai aniversáriu PNTL nian ho montante 2000 USD.
Ekipa ne’ebe kompete hamutuk 12 ne’ebe fahe ba pool rua mak husi pool A nian, FC Leão Fronteira, FC. UNPAZ, FC. UEP, FC. U-40 B, FC. FIEL no FC. Comando Geral, husi pool B nian, FC. U-40 A, FC. MUACAU, FC. CICNL (F-FDTL), FC. PC Dili, FC. MI no FC. Timor Telecom.
ADS
