DILI – Governu liu husi Sekretáriu Estadu Juventude no Desportu (SEJD) ho Embaixador China iha Timor Leste, asina Memorandum of Understanding (MoU), hodi rehabilita kampu Futebol Lecidere Dili.
Sekretáriu Estadu Juventude no Desportu (SEJD) Abrao Saldanha, informa, asina memorandu ho Embaixador China Xiao Jianguo ne’e atu rehabilita kampu Futebool Lecidere Dili hodi komemora 20 anos koperasaun Timor Leste ho China.
“Ohin SEJD ho embaixador China asina memorandu ida atu rehabilitasaun kampu Futebool Lecidere, ne’e doasaun ida husi povu China, oferese mai ita joven sira Timor Leste hodi komemora 20 anos koperasaun entre China ho Timor Leste” .Dehan Sekretáriu Estadu Joventude Desportu (SEJD) Abrao Saldanha ba jornalista sira iha edifisiu SEJD Lecidere kuarta (30/03).
Abrao afirma, Iha ambitu komemorasaun ida ne’e governu China halo doasaun 300.000 i tal atu rehabilita fila fali kampu Lecidere ba foin sa’e sira.
Abrao informa, ho memorandu ne’e bele hahú kedas ona tanba Kompanha sanhai corporation ne’ebé atu halo konstrusaun sira mai iha ne’e, depois akordu ida ne’e bele kontinua kedas ho konstrusaun tanba sira nia tarjetu antes 20 de Maio tenke hotu ona para bele uza ba selebrasaun 20 anos de koperasaun China ho Timor Leste
300.000 mill dólar Amerikanu, ho kondisaun kampu ne’ebé kloot nune’e atu hadia de’it sintetiku para foin sa’e sira bele uza ho di’ak.
Abrao sublina, kona-ba dezenu ne’e Kompanha sanhai mak responsabiliza hafoin hala’o diskusaun teknika ho SEJD, no aseita malu ona governu Timor Leste sei simu de’it obra.
CharllY Junior
