Dili – Modalidade Body Bulding husi Federsaun Fahkuptil deside Rejigna aan husi jogu Sea Games Hanoi Vietname tinan ne’e, tanba governu la iha Orsamentu.
Fo hanoin fila fali katak antes ne’e Konfederasaun Desportu Timor-Leste (CDTL) hamutuk ho Sekretáriu Estadu Juventude no Desportu (SEJD) hala’o ona lansamentu ba perparasaun Modalidade 8 husi Federsaun 7 ne’ebé mak atu partisipa iha jogu Sea Games iha Hanoi Vietname iha fulan Maiu tinan ne’e.
Husi Federsaun 7 ho Modalidade 8 ne’e mak Karate-do, Taikondow, Natasaun Boxe Atletismu, Futebool Fahkuptil, no ikus liu Modalidade Body Bulding rasik maibé ohin Modalidade Body Bulding, liu prezidente Fahkuptil Vicente Carvailho da Silva ho atleta sira deside ona hodi rejigna aan husi jogu Sea Games Vietname ne’ebé mak sei hala’o iha fulan Maiu tinan ne’e.
“Ohin ami Federsaun Fahkuptil liu husi Modalidade Body Bulding deklara ba públiku katak ami rejigna aan husi partisipasaun ba Sea Games iha Hanoi Vietname” dehan Vicente Carvailho da Silva liu husi konferensia imrensa iha salaun CONTL Liceu Dili (01/04).
Nia explika, Modalidade Body Bulding rejigna aan tanba ho razaun orsamentu husi estadu la iha no situasaun ne’e sira tetu ona kuaze semana ida maibé la iha Solusaun atleta liu husi selesaun Nasional ne’ebé mak halo ona selesaun nasionál iha tinan hamutuk na’in 3 no ikus atu rdeus ba rua no redus tan ba ida razaun tanba la iha orsamentu ho nune’e sira deside hodi rejigna aan.
Atleta na’in tolu ne’e mak Alfredo Isaac, Anastasio da Costa, no Aqulis atleta na’in tolu hala’o ona perparasaun di’ak hodi aranka maibé tanba orsamentu la iha Federsaun deside hodi rejigna hodi fó ook ba Federsaun sira seluk.
“Se ita dada ba dada mai rdeus to’o ida Treinador ha’u rasik nu’udar prezidente horseik ami tetu hamutuk hodi desidi ba entaun ba la bá entaun la bá hotu ami sente triste nu’udar prezidente hanesan mós Treinador Atleta sira triste tanba osan la sufisiente ami simu tanba realidade orsamentu mak ne’e i atleta sira mós uza sira nia osan rasik tanba ne’e ba sira nia di’ak no reprezentante nasaun” nia informa.
Maibé to’o fin dehan orsamentu la iha tenke ba fali na’in ida ne’e mak ami deside dehan katak ami la bá fó oportunidade ba ema seluk no ami hein fali oportunidade seluk
Iha fatin hanesan atleta Alfredo Isaac, hatete, Nu’udar atleta ida sira hotu hotu sente triste kona-ba kanselmentu ida ne’e maibé nia prosesu mak hanesan ne’e ona nune’e tenke simu ho fuan boot.
“Ami simu ajuda husi governu para apoiu ami nia prosesu treinu nian ne’e, ami simu tanba ida ne’e mós ami hasai ami nia osan rasik governu apoiu ami 60% no ami gasta 40% para para hatudu ami la promete katak ami tenke hetan medaila mai Timor Leste maibé ami esforsu para hatudu katak Timor mós halo ema hakfodak depois palku mak determina” nia hakotu.
CharllY Junior
