DILI- Klube Primeira Divizaun Liga Timorense AD SLB hein hela oráriu serteza husi orgaun Liga Futebool Timor-Leste (LFTL) no mós Federsaun Futebool Timor-Leste (FFTL), hodi nune’e sira bele halo preparasaun no kontratu jogadór nasionál no internasionál.
FFTL no Órgaun LFTL fó sai ona oráriu ba Liga Timorense tinan 2022 atu hahú iha loron 22 fulan Abríl maibé seidauk iha serteza ba klube sira tan ne’e AD SLB Laulara hein hela oráriu serteza ba kalendáriu kompetisaun liga tinan ne’e
“Ami hein hela desizaun ba oráriu Liga Timorense iha tinan ne’e serteza husi federasaun no órgaun liga tan ne’e ami labele halo kontratu ho jogadór sira liuliu internasionál tanba implikasaun ba osan ba jogadór sira nian ne’ebé sujere diretór kompetisaun husi órgaun liga no federasaun tuur hamutuk haree asuntu ne’e liuliu oráriu jogu internasionál para labele fó impaktu ba liga doméstiku”, Sekretáriu jerál AD SLB Laulara Domingos Caeiro ba JHD iha Salaun Vila Verde, Dili kinta (31/03).
Sekretáriu ne’e hatete, karik orsamentu ba liga tinan ne’e los ona sira bele bolu klube sira tuur hamutuk hodi hetan ideia husi klube sira, ne’ebé sira fó karta ona ba klube sira atu enkontru hamutuk iha loron 2 fulan Abríl 2022 ne’ebé organiza husi federasaun atu halo enkontru ho klube sira iha divizaun dahuluk no daruak atu haree ba liga tinan ne’e nian.
Tuir nia, atu jogadór kualidade iha jogu Internsional persija liga ho tempu naruk atu nune’e jogadór sira halo jogu barak liga tinan hirak liu ba orgullu jogadór selesaun nasionál sub23 hetan manan na’in datoluk iha kompetisaun AFF U-23 iha tinan kotuk tanba ne’e federasaun ho órgaun liga tenke haree asuntu ne’e karik hakarak dezenvolve futuru jogadór ne’e ba oin atu nune’e bele ko’alia ba kualidade no prestasaun nian.
“Jogadór lokál ami nian nafatin no jogadór tinan kotuk na’in tolu ne’ebé hamutuk ho klube Boavista Clube de Timor fila fali hamutuk ho ekipa ne’ebé agora ami konsentra ba jogadór estranjeiru husi Ghana no ami iha komunikasaun ona ho jogadór Brazil na’in tolu ba liña defeza, médiu no avansadu maibé seidauk halo preparasaun ba jogadór sira tanba seidauk iha oráriu serteza husi federasaun no órgaun LFTL ba Liga Timorense époka ne’e”, tenik Nia
Domingos mós, Perfere janela transferénsia bele prolonga tanba klube barak seidauk kontratu jogadór hodi rejistu jogadór ba nasionál no internasionál ba órgaun liga no federasaun tan ne’e sira hakarak órgaun rua ne’e anúnsiu tan janela ne’e karik oráriu liga serteza ona ba klube sira tan ne’e klube sira bele halo preparasaun ona.
ADS
